Вы тут

Сяргей Вязовіч заняў 4-е месца на чарговым этапе "Дакар-2019"


Лідэр беларускай каманды "МАЗ-СПАРТаўта" Сяргей Вязовіч заняў чацвёртае месца на этапе ралі-рэйду "Дакар-2019", паведаміла старонка каманды ў Facebook.


У чацвёрты дзень аўтамарафон па тэрыторыі Перу ўдзельнікі пераадолелі 405 км па пясках і выдмах.

Сяргей Вязовіч, стартаваўшы з 20-й пазіцыі, здолеў фінішаваць чацвёртым - 4 гадзіны 23 хвіліны. Пераможцам этапу стаў Андрэй Каргін каманды "КамАЗ-Майстар", які быў хутчэй беларуса на 13 хвілін. У агульным заліку экіпаж Сяргея Вязовіча размясціўся на 17-м месцы і прайграе лідэру гонкі расіяніну Эдуарду Мікалаеву 5 гадзін 30 хвілін.

"Спецучастак прайшоў без здарэнняў, акрамя таго, што мы спыніліся ля машыны Аляксея Вішнеўскага, у якога былі праблемы з турбінай. Хлопцы самі справіліся, дапамога не спатрэбілася. На мінулым этапе стартавалі з "хваста" і здзейснілі, напэўна, рэкордны для сябе лік абгонаў, сапернікі рухаліся па маршруце павольней. Усё прайшло паспяхова, удача зноў вярнулася да нас", - распавёў Сяргей Вязович.

Аляксандр Васілеўскі заняў на этапе 12-е месца, праехаўшы маршрут за 4 гадзіны 46 хвілін. У генеральнай класіфікацыі экіпаж знаходзіцца на 11-м радку з 2 гадзінамі 55 хвілінамі адставання.

Аляксей Вішнеўскі з-за тэхнічных складанасцяў фінішаваў 14-м. Яго час - 5 гадзін 4 хвіліны, а адставанне - 54 хвіліны. У заліку грузавікоў экіпаж утрымліваецца ў першай дзесятцы, прайграючы лідэру ралі 2 гадзіны 42 хвіліны.

Пяты этап ралі-рэйду зноў пройдзе па пясках з выдмамі, жвіровых дарогах ўздоўж берага акіяна і складзе 517 км хуткасных участкаў.

Аўтамарафон "Дакар" у 2019 годзе праходзіць па тэрыторыі Перу. Ралі-рэйд завершыцца 17 студзеня ў Ліме. Гоншчыкам трэба будзе праехаць каля 5 тыс. км. Больш за палову маршруту пралягае праз трасы з вялізнымі пясчанымі дзюнамі. У мінулым годзе экіпаж Сяргея Вязовіча заняў у гонцы другое месца, паказаўшы самы высокі вынік за час выступлення на "Дакары".

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.