Вы тут

Цыгарэты на касе прыбяруць?


Заканадаўства па курэнні стане больш жорсткае.

Прэзідэнт падпісаў дэкрэт № 2. Новыя нормы павінны паступова абмежаваць даступнасць табачных вырабаў і папярэдзіць негатыўны ўплыў курэння на здароўе насельніцтва.


Дакумент карэкціруе дэкрэты № 28 ад 17 снежня 2002 года і № 4 ад 18 кастрычніка 2007 года. Ім прадугледжана заканадаўчае рэгуляванне вытворчасці, звароту і выкарыстання электронных сістэм курэння, а таксама прылад для нагрэву тытуню без яго гарэння ці тлення — сістэм для ўжывання тытуню. На такія сістэмы будуць распаўсюджвацца асобныя прававыя нормы, якія дзейнічаюць у дачыненні да тытунёвых вырабаў.

У прыватнасці, права на дзейнасць, звязаную з вытворчасцю і зваротам сістэм для ўжывання тытуню, электронных сістэм курэння і вадкасцяў для іх, даецца толькі суб'ектам гаспадарання Беларусі. Забараняецца адкрытая выкладка вадкасцяў для электронных цыгарэт у вітрынах і іншым гандлёвым абсталяванні. Нельга таксама рэкламаваць і прадаваць іх непаўналетнім. Будуць абмежаваны месцы продажу і выкарыстання электронных сістэм курэння.

У дэкрэце замацавалі пералік месцаў, дзе курыць забаронена. Гэта дапаможныя памяшканні жылых дамоў, ліфты, аўтамабілі, што перавозяць дзяцей да 14 гадоў, дзіцячыя пляцоўкі, працоўныя месцы ў памяшканнях, тэрыторыі і памяшканні спартыўна-аздараўленчых лагераў, устаноў адукацыі, падземныя пераходы, прыпынкі і пасадачныя пляцоўкі.

З 1 студзеня 2020 года ў крамах, гандлёвая плошча якіх большая за 1000 квадратных метраў, прадаваць тытунёвыя вырабы, сістэмы для ўжывання тытуню, электронныя сістэмы курэння і вадкасці для іх будуць толькі праз таварныя аддзелы. А з 1 студзеня 2022 года ў крамах і павільёнах забароняць выкарыстоўваць для захоўвання і продажу тытунёвых вырабаў абсталяванне над кантрольна-касавымі вузламі.

Наталля ЛУБНЕЎСКАЯ

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.