Сацыял-дэмакратычная партыя перамагла на парламенцкіх выбарах у Фінляндыі

Сацыял-дэмакратычная партыя (СДП) перамагла на парламенцкіх выбарах у Фінляндыі, што прайшлі 14 красавіка, паведамляе БЕЛТА са спасылкай на Euronews.

Па выніках падліку амаль 100% галасоў СДП набірае 17,7%. Яе бліжэйшы супернік, нацыяналістычны рух "Сапраўдных фінаў", атрымлівае 17,5%.

Упершыню ў гісторыі Фінляндыі на выбарах у парламент ні адна з партый не набрала 20% галасоў выбаршчыкаў. Канчатковыя афіцыйныя вынікі будуць апублікаваныя 17 красавіка. Пасля зацвярджэння гэтых вынікаў лідары партый павінны пачаць перамовы для фарміравання урадавай кааліцыі большасці ў парламенце, пасля чаго будуць прызначаныя прэм'ер-міністр і члены кабінета.