Вы тут

У раддом — з «планам родаў»


Сацыяльны праект «Радзіны» запускае новую ініцыятыву для цяжарных — «План родаў» павышае ўпэўненасць у атрыманні станоўчага вопыту ў родах!» На рэсурсе planrodov.radzіny.by можна знайсці ўсю неабходную інфармацыю: свае правы ў родах, шаблоны афіцыйных дакументаў у радзільны дом, паэтапныя крокі ўзаемадзеяння з медперсаналам, адказы экспертаў на распаўсюджаныя пытанні, рэальныя гісторыі беларусак.


Паводле рэкамендацый Сусветнай арганізацыі аховы здароўя, каб атрымаць станоўчы вопыт у родах, падчас паступлення ў радзільны дом цяжарным пажадана мець «план родаў» у абменнай картцы, які загадзя складзены і абмеркаваны з пацыенткай.

«План родаў» — гэта спрошчаная назва афіцыйнай «Заявы аб уліку правоў і інтарэсаў у правядзенні родаў у радзільным доме». Гэты дакумент жанчына складае для найлепшай арганізацыі родаў ва ўстанове аховы здароўя. Ён дазваляе ўзгадніць правы, патрэбы і інтарэсы жанчыны ў заканадаўча абгрунтаванай форме, павысіць узровень адказнасці жанчын, наладзіць камунікацыю з медыцынскімі работнікамі. Такім чынам, «план родаў» — цалкам легітымны дакумент, яго можа напісаць і ўзгадніць любая жанчына, якой прагназуюцца няўскладненыя роды.

Трэба адзначыць, што «план родаў» ужо выкарыстоўваюць беларускія жанчыны і ў нашай краіне, і падчас родаў за мяжой. Карыстальнікі рэсурсу змогуць убачыць рэальныя гісторыі маці, маці-акушэрак, гінеколагаў, адвакатаў, доўлаў і іншых.

Задача гэтай ініцыятывы — расказаць, што існуе эфектыўны спосаб арганізаваць для сябе, малыша і медработнікаў роды ў радзільным доме найбольш прыдатным для кожнай жанчыны спосабам.

Алена КРАВЕЦ

Выбар рэдакцыі

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.