Вы тут

Знакаміты фільм пра Хаціка загучаў па-беларуску


Гэтымі днямі, з 5 да 7 ліпеня, у кінатэатрах «Масква» і velcom cіnema праект «Беларускія ўік-энды» паказвае чарговую карціну ў беларускай агучцы — знакамітую драму «Хаціка: самы верны сябар» з Рычардам Гірам у галоўнай ролі.


bv.mos.ru

Да новай пазіцыі ў праграме ўвагу прыцягнуў адмысловы паказ у Міжнародны дзень сабак, на які гледачы маглі прыйсці з сабакамі. І прыйшлі: сеанс у арт-прасторы ОК16, што адбыўся 2 ліпеня, наведала каля 250 гледачоў, многія з якіх узялі глядзець кіно і сваіх гадаванцаў.

Фільм заснаваны на рэальнай гісторыі прафесара Уілсана і яго аднойчы падабранага на вуліцы сабакі. Кожны дзень Хаціка праводзіў свайго гаспадара на чыгуначную станцыю, з якой той адпраўляўся на працу, а ўвечары там жа сустракаў. З дня, калі галоўны герой ужо не вярнуўся з працы, Хаціка яшчэ дзевяць гадоў прыходзіў на тое ж месца ў чаканні свайго гаспадара.

Праект «Беларускія ўік-энды», што перакладае замежныя фільмы на беларускую мову і паказвае іх на вялікім экране, ажыццяўляецца кампаніяй «Кінаконг» пры падтрымцы velcom | A1. У наступных планаў праекта — паказ «Прыгод Падынгтана» і «Прыгод Падынгтана-2» з 11 да 28 ліпеня.

Сафія ПАЛЯНСКАЯ

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.