Вы тут

Юбілей ансамбля «Песняры» і нараджэнне новай сям’і адзначылі на Славянскім базары


12 ліпеня ў Летнім амфітэатры прайшоў традыцыйны канцэрт «Саюзная дзяржава запрашае...», цэнтральнай тэмай якога стаў 50-гадовы юбілей легендарнага ансамбля «Песняры».


На жаль, сабраць усе пакаленні і саставы «Песняроў» у арганізатараў чарговы раз не атрымалася: Беларускі дзяржаўны ансамбль «Песняры» не знайшоў паразумення з калектывам «Беларускіх песняроў» і некаторымі іншымі экс-удзельнікамі ансамблю... Затое дамовіліся з вакалістам «залатога саставу» Анатолем Кашапаравым і Леанідам Барткевічам, якія ў выніку выканалі ў канцэрце свае кананічныя хіты: «Волагду» і «Бярозавы сок». А кіраўнік цяперашняга афіцыйнага БДА «Песняры» Раман Козыраў прывёз у Віцебск дзяцей Уладзіміра Мулявіна — Марыну, Валерыя і Вольгу, і дыпламатычна падзякаваў са сцэны ўсім былым удзельнікам.

«Пра музыкантаў у народзе кажуць: ён жывы, пакуль жыве яго музыка, — зазначыла старэйшая дачка і адна з захавальніц архіву ансамбля Марына Мулявіна. — Сёння мы будзем слухаць музыку Мулявіна і «Песняроў».

«Рушнікі», «Ой, рэчанька», «Чырвоная ружа», «Касіў Ясь канюшыну», «Александрына», «Добры вечар, дзяўчыначка», — у праграму ўвайшлі, мабыць, самыя любімыя публікай кампазіцыі «Песняроў». Некаторыя з іх прагучалі ў выкананні іншых вядомых артыстаў і калектываў з Беларусі і Расіі. Напрыклад, пяшчотную і лірычную «Алесю» праспявалі Naviband, а «Белавежскую пушчу» — дзявочы вакальны гурт «Сапрана Турэцкага». Таксама ў канцэрце-прысвячэнні ўзялі ўдзел этна-трыа «Троіца», Дзяржаўны ансамбль танцу Беларусі, выхаванцы Нацыянальнага цэнтра музычнага мастацтва імя Уладзіміра Мулявіна, Пётр Елфімаў, Валерый Лявонцьеў, Ян Жэнчак, Варвара, Мікалай Цімафееў, Вольга Кармухіна.

Адным з самых кранальных момантаў канцэрта стала... прапанова рукі і сэрца, якую саліст Дзяржансамбля «Песняры» Артур Міхайлаў проста са сцэны зрабіў сваёй каханай дзяўчыне. Тая, дарэчы, дала згоду. «Ну вось, вярнуся ў Маскву, скажу, што вёў канцэрт „Песняроў“, а мне адкажуць: „Пачытай газеты, ты вяселле вёў!“. Затое можна быць упэўненым, што ў гэтай сям’і будуць гучаць толькі добрыя песні», — пажартаваў вядучы Аляксандр Алешка.

Вікторыя Целяшук

Фота Ганны Занкавіч

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.