Вы тут

Лукашэнка Грэфу: Удзячны за тое, што вы працягваеце працаваць у Беларусі пры ўсіх праблемах


На працягу наступнага году асобая ўвага будзе надавацца трансферу тэхналогій на беларускі рынак як у банкаўскі сектар, так і ў эканоміку і сацыяльную палітыку. Пра гэта паведаміў прэзідэнт Ашчадбанку Герман Грэф па выніках сустрэчы з Аляксандрам Лукашэнкам у Палацы Незалежнасці.


Па словах кіраўніка банка, новая тэхналогія аб’ядноўвае святло, гук, ваду і выяву з адукацыйнай функцыяй. Колерамузычныя адукацыйныя фантаны ў адпаведнасці з новым сусветным трэндам «эдзьютэйнментам» — ад education (адукацыя) і entertainment (забава) — ужо зробленыя ў некалькіх гарадах Расіі і выклікалі вялікую цікавасць у жыхароў.
«Аляксандр Рыгоравіч даведаўся пра гэта і папрасіў стварыць падобны фантан у Мінску. Дамовіліся, што будзе падпісаны адпаведны ўказ, і кінем усе сілы, каб рэалізаваць гэты праект да Дня незалежнасці Беларусі ў наступным годзе», — паведаміў Герман Грэф.

Ён адзначыў, што Ашчадбанк прысутнічаў у Беларусі і ў складаныя эканамічныя часы — і ні разу не было парушэння дамоўленасцяў, не ўзнікала непаразуменняў. Сустрэча з Прэзідэнтам Беларусі адбылася з нагоды ХІІІ летняй міжнароднай Ашчадбанкіяды 2019 году ПАТ «Ашчадбанк Расіі», якая праводзіцца з 15 да 21 ліпеня.

Спартыўнае свята працягнула эстафету ІІ Еўрапейскіх гульняў.

«Што прыемна — больш за тры тысячы чалавек удзельнічаюць. Гэта вельмі вялікі аб’ём. І якраз нам рыхтавацца не трэба было: усё было ў парадку. Я ўвогуле схільны, заўсёды падтрымліваю такія мерапрыемствы, таму што гэта не проста нейкія спартсмены за грошы выступаюць, а людзі, якія працуюць на велізарным прадпрыемстве», — выказаў меркаванне Аляксандр Лукашэнка. 

«Алімпіада» Ашчадбанку — магчымасць і сябе паказаць, і аздаравіцца, і з Мінскам бліжэй пазнаёміцца, а потым расказаць пра Беларусь сябрам, блізкім, калегам. За гэта Прэзідэнт падзякаваў Герману Грэфу.

«Удзячны і за тое, што вы працягваеце працаваць у Беларусі пры ўсіх праблемах, крэпка стаіцё на нагах, фізічных асоб сталі больш крэдытаваць. Карацей, усе дамоўленасці, якія былі пры вашым прыходзе ў Беларусь, выконваеце. Вельмі цаню такую якасць — сказаў, значыць, зрабіў», — падзяліўся кіраўнік краіны. 

Аляксандр Лукашэнка падкрэсліў, што не толькі падчас спартыўных падзей, а ў правядзенні любых мерапрыемстваў расійскі бок знойдзе надзейнае апірышча ў Беларусі.

У сваю чаргу, Герман Грэф падзякаваў Прэзідэнту Беларусі за падтрымку ў час падрыхтоўкі Ашчадбанкіяды. 

«У вас ніякіх збояў быць не можа, усё працуе як гадзіннік. Цудоўная інфраструктура, людзі адчуваюць сябе камфортна», — падзякаваў прэзідэнт «Ашчадбанку Расіі».

У ХІІІ летняй міжнароднай Ашчадбанкіядзе ўдзельнічаюць працаўнікі таварыства — дваццаць спартыўных каманд і пятнаццаць каманд КВЗ з Расіі, Беларусі, Казахстана, Аўстрыі, Венгрыі, Чэхіі, Сербіі. У праграму ўключаны спаборніцтвы па 12 відах спорту.

Усе выдаткі па правядзенні Ашчадбанкіяды здзяйсняюцца за кошт сродкаў ПАТ «Ашчадбанк Расіі». Для харчавання ўдзельнікаў Мінскі гарвыканкам прадстаўляе ў арэнду часовы павільён ІІ Еўрапейскіх гульняў па вуліцы Чурлёніса ў Студэнцкай вёсцы. 

Варвара МАРОЗАВА

Фота БЕЛТА

Выбар рэдакцыі

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».