Вы тут

Як развіваць далейшае супрацоўніцтва рэгіёнаў, раёнаў і гарадоў Беларусі і Расіі?


Як развіваць далейшае супрацоўніцтва рэгіёнаў, раёнаў і гарадоў Беларусі і Расіі ў рамках Саюзнай дзяржавы, якія сумесныя праграмы варта прыняць для павышэння ўзроўню жыцця людзей і што стане стымулам далейшаму развіццю міжрэгіянальных сувязяў? Гэтыя і іншыя пытанні сталі тэмамі абмеркавання на пасяджэнні секцыі пад кіраўніцтвам Аляксандра Папкова, старшыні Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцовым самакіраванні, і Алега Мельнічэнкі, старшыні Камітэта Савета Федэрацыі Федэральнага Сходу Расійскай Федэрацыі па федэратыўным упарадкаванні, рэгіянальнай палітыцы, мясцовым самакіраванні і справах Поўначы, якое прайшло ў рамках VІ Форуму рэгіёнаў Расіі і Беларусі.


У працы секцыі прынялі ўдзел прадстаўнікі ўсіх рэгіёнаў Беларусі: губернатары, старшыні абласных, Мінскага гарадскога Саветаў дэпутатаў, міністры. З боку Расіі — 15 губернатараў і кіраўнікоў рэспублік і 17 кіраўнікоў прадстаўнічых органаў улады.

Такая пільная ўвага з боку вышэйшых службовых асоб — сведчанне ўзаемнай зацікаўленасці як Беларусі, так і Расіі ў далейшай эканамічнай інтэграцыі.

Адкрываючы пасяджэнне, Аляксандр Папкоў адзначыў, што з моманту падпісання Саюзнай дамовы рэалізавана 57 праграм Саюзнай дзяржавы па распрацоўцы новых тэхналогій і стварэнні інавацыйнай прадукцыі ў такіх сферах, як радыёэлектроніка, мікраэлектроніка, абарона і бяспека, сельская гаспадарка і харчовая прамысловасць, медыцына і фармакалогія, сацыяльна-працоўныя адносіны, пераадоленне наступстваў аварыі на Чарнобыльскай АЭС.

У сапраўдны момант актыўна развіваецца супрацоўніцтва на інавацыйных пляцоўках — Парка высокіх тэхналогій у Мінску і Інавацыйнага цэнтра "Сколкава" ў Маскве. З беларускімі партнёрамі працуе каля 30 кампаній з Сколкава, яшчэ 70 выказваюць намеры аб сумеснай працы. У сваю чаргу, у беларускім ПВТ працуюць 38 кампаній з удзелам расійскага капіталу.

За мінулы год беларускія арганізацыі прынялі ўдзел у 231 кірмашы ў расійскіх гарадах па продажы беларускай прадукцыі, а таксама 400 выставах, форумах, прэзентацыях у расійскіх рэгіёнах. У 2018 годзе ў Іркуцкай вобласці і Рэспубліцы Карэлія створаны зборачныя вытворчасці беларускай лесанарыхтоўчай тэхнікі, трактароў і ліфтаў. Беларускія будаўнічыя арганізацыі з Віцебска, Брэста, Мазыра актыўна працуюць па рэалізацыі будаўнічых праектаў у Смаленску, Курску, Калінінградскай вобласці.

Такіх прыкладаў сумеснай працы ў розных сферах можна прывесці нямала. Аднак, паводле слоў Аляксандра Папкова, рэалізацыя такіх праектаў — гэта супрацоўніцтва на ўзроўні асобных прадпрыемстваў. Казаць аб ажыццяўленні комплекснай праграмы ўзаемадзеяння рэгіёнаў Расіі і Беларусі ў розных сферах пакуль яшчэ рана.

— Як у Беларусі, так і ў Расіі зараз галоўная задача — павышэнне ўзроўня і якасці жыцця насельніцтва, кожнага канкрэтнага чалавека. Яе можна дасягнуць шляхам фарміравання ўстойлівай эканомікі рэгіёнаў. З гэтай мэтай нам неабходна сумесна выпрацаваць дакладныя напрамкі рэгіянальнай палітыкі, якія дазваляюць стварыць умовы комплекснага развіцця вытворчых сіл кожнага рэгіёну. Трэба прыбраць існуючыя рэгіянальныя адрозненні, выкарыстоўваючы рэсурсны патэнцыял і канкурэнтныя перавагі тэрыторый, — упэўнены ён.

Аляксандр Папкоў прапанаваў распрацаваць Саюзную праграму з мэтай развіцця прыгранічных рэгіёнаў. Гэта Віцебская, Магілёўская і Гомельская вобласці Беларусі і Смаленская, Бранская, Пскоўская вобласці Расійскай Федэрацыі.

Сёння амаль кожны расійскі рэгіён развівае прамыя гандлёвыя адносіны з Беларуссю. Гэта дае дадатковыя магчымасці для кааперацыі, якія абавязкова трэба выкарыстоўваць. Стварэнне сумесных буйных вытворчасцей, прамысловых кластараў — адзін з найбольш перспектыўных напрамкаў дзейнасці ў рамках Саюзнай дзяржавы.

На пасяджэнні секцыі ад беларускага боку выступілі таксама міністр прамысловасці Павел Уцюпін і міністр эканомікі Дзмітрый Круты, старшыня Магілёўскага аблвыканкама Леанід Заяц, старшыні Мінскага гарадскога Савета дэпутатаў Васіль Панасюк і Віцебскага абласнога Савета дэпутатаў Уладзімір Цярэнцьеў, а таксама іншыя ўдзельнікі VІ Форуму рэгіёнаў Расіі і Беларусі.

Вынікам працы секцыі стала падпісанне дакументаў аб супрацоўніцтве паміж рэгіёнамі (муніцыпалітэтамі) Расійскай Федэрацыі і Рэспублікі Беларусь. Усяго ў рамках падрыхтоўкі правядзення VІ Форуму было падпісана 84 пагадненні аб супрацоўніцтве паміж рэгіёнамі, установамі і арганізацыямі Беларусі і Расіі.

Наталля БІТЭЛЬ

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.