Вы тут

На тыдні будзе прахалодна і з невялікімі дажджамі


Надвор'е на гэтым тыдні, у адрозненне ад мінулага, чакаецца адносна роўнае. Спякоты не абяцаюць, зрэшты, як і вялікіх дажджоў. Падрабязней пра сінаптычную абстаноўку расказалі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Атмасферны фронт, які завітаў у нашу краіну ў панядзелак, у аўторак працягне выціскаць гарачае паветра на поўдзень. Таму па Брэсцкай вобласці яшчэ прыпячэ да 24—28 градусаў, але на астатняй тэрыторыі будзе прыкметна халадней: 17—23. Дажджы чакаюцца толькі на паўднёвым захадзе, дзе-нідзе з навальніцамі.

У сераду ўначы пахаладае да 5—12 градусаў. Ды і днём будуць непрывычныя для канца ліпеня плюс 14—21. Дажджы пройдуць у асобных раёнах па паўночным усходзе. Брэсцкай вобласці выпадзе шанц пагрэцца — там чакаецца да 25 цяпла.

А вось у канцы рабочага тыдня пачне паступова цяплець. Калі ў чацвер будзе 16—23 цяпла, то ўжо ў пятніцу — 18—25. Па Брэсцкай вобласці паветра прагрэецца на пару градусаў болей. Месцамі пройдуць дажджы. Ноччу і раніцай чакаюцца слабыя туманы.

Валяр'ян ШКЛЕННІК

Выбар рэдакцыі

Эканоміка

Распрацоўшчыкі — пра новы Падатковы кодэкс Рэспублікі Беларусь

Распрацоўшчыкі — пра новы Падатковы кодэкс Рэспублікі Беларусь

Летась Падатковы кодэкс Беларусі зазнаў істотныя змяненні.

Калейдаскоп

Вясёлыя гісторыі чытачоў

Вясёлыя гісторыі чытачоў

Любачка і На варце маёмасці.

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.