Вы тут

Ад серады пойдуць дажджы


На гэтым тыдні ў Беларусь вернецца цяпло. Аднак не без «але». Ужо сёння да нас з Заходняй Еўропы пойдуць вільготныя паветраныя масы. Падрабязней пра гэта расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ў нашай краіне захаваецца панаванне вобласці павышанага атмасфернага ціску. Але ўдзень з Польшчы да нас прыйдзе атмасферны фронт. Таму кароткачасовыя дажджы чакаюцца толькі па захадзе. Месцамі прагрымяць навальніцы. Што да тэмпературы паветра, то будуць цалкам камфортныя 19—26 градусаў вышэй за нуль.

А вось з серады надвор'е пачне змяняцца. Кароткачасовыя навальнічныя дажджы распаўсюдзяцца ўжо на большую частку тэрыторыі краіны. Уначы чакаецца 11—17 цяпла. Удзень жа, як і ў аўторак, паветра прагрэецца максімум да 26 градусаў. Паўднёвы вецер зменіцца на ўмераны заходні, які пры навальніцах будзе парывісты.

У чацвер жа «за бортам» чакаецца зусім некамфортная абстаноўка. Да нас будуць змяшчацца актыўныя атмасферныя франты з паўднёвага захаду Еўропы. Кароткачасовыя дажджы пройдуць зноў жа на большай частцы тэрыторыі. Раніцай і ўдзень яны месцамі стануць моцныя. Вецер чакаецца паўднёва-заходні з пераходам на заходні і паўночна-заходні, парывісты, месцамі моцны. Але холадна не будзе. Уначы чакаецца ад 12 да 19 градусаў цяпла, удзень — ад 18 да 25.

Па папярэдніх прагнозах, да канца тыдня сінаптычная абстаноўка палепшыцца.

Валяр'ян ШКЛЕННІК

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.