Вы тут

БСЖ у апошнія перадвучэбныя дні разгарнуў рэспубліканскую акцыю «Збяром партфель разам»


Беларускі Саюз жанчын у апошнія перадвучэбныя дні па традыцыі разгарнуў рэспубліканскую акцыю «Збяром партфель разам». Сёлета дабрачыннаму праекту спаўняецца пяць гадоў.


Адна з самых масавых грамадскіх арганізацый Беларусі даказвае: калі жанчыны аб'ядноўваюцца, яны могуць многае. Днямі прадстаўніцы БСЖ завіталі з падарункамі ў госці да соцень дзяцей: наведалі шматдзетныя сем'і, сацыяльныя прытулкі і дзіцячыя дамы, прафесійна-тэхнічныя вучылішчы закрытага тыпу.

— Кожнае дзіця ў нашай краіне — прыярытэт дзяржаўнай палітыкі. Важна, каб у Дзень ведаў дзеці гэта адчувалі і з добрым настроем пачыналі вучэбны год. Але галоўнае не толькі ў тым, каб забяспечыць хлопчыкаў і дзяўчынак усім неабходным для школы, абуць, адзець, але і ў тым, каб аб'яднацца і працягнуць руку дапамогі дзецям, якім патрэбна падтрымка дарослых. Намаганні ўсіх, хто клапоціцца пра падрастаючае пакаленне, несумненна акупяцца ў будучыні, — упэўнена намеснік старшыні БСЖ Лілія АНАНІЧ.

Дзякуючы шырокай сетцы пярвічак Саюза жанчын у рэгіёнах праект закрануў усе вобласці. Падтрымку атрымалі таксама дзеці з аддаленых вёсак. Так, Жлобінская раённая арганізацыя БСЖ правяла акцыю пад дэвізам «С радушием — в Радушу, со щедростью — в Щедрин». Будучым вясковым першакласнікам уручылі партфелі, поўнасцю ўкамплектаваныя ўсім неабходным, і павіншавалі дзяцей з надыходзячым святам. А, напрыклад, жанчыны Гродненскага раёна правялі перадсвяточную сустрэчу са скідзельскімі хлопчыкамі і дзяўчынкамі ў бібліятэцы сямейнага чытання: прывезлі падарункі і настроілі школьнікаў на вучэбны лад за кубкам гарбаты.

Акцыя «Збяром партфель разам» не мае часовых абмежаванняў і будзе працягвацца далей. Далучыцца можа кожны праз любую арганізацыю БСЖ.

Ганна КУРАК

Выбар рэдакцыі

Палітыка

Як галасавалі рэгіёны на выбарах Прэзідэнта

Як галасавалі рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.