Сёння адзначаецца Сусветны дзень пошты. Гэтае прафесійнае свята ўпершыню было ўстаноўлена адмысловым паштовым кангрэсам, які прайшоў у Токіа роўна паўстагоддзя таму. Зроблена гэта было ў гонар гадавіны стварэння Сусветнага паштовага саюза, які адлічвае сваю гісторыю з 1874-га. Увесь гэты час структура планетарнага маштабу аказвала магутную падтрымку ў прагрэсе паштовых паслуг, цалкам была зменена лагістыка.
І вось да гэтай даты «Белпошта» запрашае ўсіх ахвотных у выдзеленыя аддзяленні паштовай сувязі ўсёй краіны. Супрацоўнікі прадпрыемства падрыхтавалі для наведвальнікаў пазнавальныя пытанні, якія будуць датычыцца гісторыі пошты і паслуг, якія яна аказвае. Удзельнікі віктарыны, якія правільна адкажуць на пытанні, атрымаюць у якасці прызоў сувеніры.
Поўны спіс такіх аддзяленняў даступны на сайце «Белпошты». У Мінску ж віктарына пройдзе ў аддзяленні сувязі № 13 (якое месціцца па вуліцы Коласа, дом 31) з 10 да 11 гадзін. Другім пунктам абраны паштамт. Там віктарына будзе праводзіцца з 16 да 18 гадзін. Не прапусціце такую магчымасць!
Валяр'ян ШКЛЕННІК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
