Вы тут

МАК плануе перанесці марафон на Алімпіядзе з Токіа ў Сапара


Міжнародны алімпійскі камітэт выступіў з ініцыятывай перанесці спаборніцтвы па марафоне і спартыўнай хадзе на доўгія дыстанцыі падчас XXXІІ летніх Алімпійскіх гульняў, паведамляе Нацыянальны алімпійскі камітэт.


МАК праінфармаваў Міжнародную федэрацыю лёгкай атлетыкі аб меркаваных зменах.

Гэтыя змены звязаныя, перш за ўсё, з клопатам пра здароўе атлетаў, суддзяў спаборніцтваў і балельшчыкаў. Падчас Алімпіяды ў Токіа чакаецца гарачае надвор'е.

На тэставых спаборніцтвах у Японіі летам 2019-га многія нюансы надвор'я былі вывучаны і будуць улічаныя падчас правядзення Гульняў. Ініцыятыва з пераносам марафону і стартаў па спартыўнай хадзе з Токіа ў Сапара, дзе ў 1972 годзе адбыліся зімовыя Алімпійскія гульні, будзе абмеркавана ў сталіцы Японіі Каардынацыйнай камісіяй МАК на чале з Джонам Коутсам 30 кастрычніка і 1 лістапада.

«Здароўе і дабрабыт спартсменаў заўсёды знаходзяцца ў ліку прыярытэтаў МАК. Шэраг мер па абароне спартсменаў ад спёкі ў Токіа будзе прыняты. Новыя прапановы па правядзенні марафону і спаборніцтваў па спартыўнай хадзе паказваюць, наколькі сур'ёзна МАК ставіцца да такіх праблем. Алімпійскія гульні для многіх атлетаў — вяршыня іх кар'еры, на гэтых спаборніцтвах ім неабходна забяспечыць умовы для дасягнення найлепшых вынікаў. Сумесна з Міжнароднай федэрацыяй лёгкай атлетыкі пастараемся рэалізаваць гэтыя планы», — заявіў прэс-службе МАК прэзідэнт гэтай арганізацыі Томас Бах.

Жаночы марафон на Алімпіядзе адбудзецца 2 жніўня, мужчынскі — 9 жніўня. Найлепшых спартменаў у хадзе на 20 км у мужчын вызначаць 31 ліпеня, а ў жаночай хадзе на 20 км — 7 жніўня, мужчынская хада на 50 км адбудзецца 8 жніўня. Таксама спаборніцтвы па лёгкай атлетыцы (дыстанцыі 5000 м і больш) перанесены на вячэрнія сесіі. Ранішнія матчы па рэгбі павінны заканчвацца не пазней 12 гадзін, а горныя этапы велагонак пачнуцца не раней 15 гадзін.

Дар'я ЛАБАЖЭВІЧ

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.