Каранік: У нас ёсць сістэма, якая дазваляе аператыўна і адэкватна рэагаваць на існуючыя выклікі

У Беларусі па сітуацыі з каранавірусам, у параўнанні з сумежнымі краінамі, існуе шэраг пераваг. У прыватнасці, у многіх краінах такое паняцце, як санэпідслужбы, адсутнічае. Пра гэта паведаміў АНТ міністр аховы здароўя Беларусі Уладзімір Каранік.

Як растлумачыў міністр, гаворка ідзе не пра службу, якая кантралюе захаванне санітарных нормаў у месцах грамадскага харчавання і агульнага карыстання, а аб службе, якая праводзіць санітарна-эпідэміялагічныя расследаванні, кантралюе распаўсюджванне інфекцыі і праводзіць лабараторную дыягностыку. Акрамя гэтага, у большасці краін няма такога паняцця, як інфекцыйная бальніца. Гэта азначае, што пацыенты, у якіх ёсць лёгкая праява інфекцыі, знаходзяцца дома. Але калі захворванне прымае сур'ёзную форму, хворыя трапляюць у звычайныя бальніцы, і, як правіла, у рэанімацыйнае аддзяленне. Гэта тоіць у сабе велізарную небяспеку, паколькі ў дадзеным аддзяленні знаходзяцца людзі, якім не варта кантактаваць з пацыентамі з каранавіруснай інфекцыяй. Інакш шанцаў выжыць у першых пацыентаў будзе няшмат.

Па словах Уладзіміра Караніка, менавіта ў сувязі з гэтым краіна распачала меры па раздзяленні патокаў пацыентаў. У прыватнасці для таго, каб у агульнай рэанімацыі не апынуліся інфіцыраваныя пацыенты. Усе выпадкі з пнеўманіяй, незалежна ад таго, быў пацыент за мяжой ці не, правяраюцца на наяўнасць каранавіруснай інфекцыі, каб гэтыя пацыенты выпадкова не апынуліся ў агульнай рэанімацыі. У сувязі з гэтым і ствараецца рэзерв ложкаў.

"Не таму, што ўсё дрэнна, і не таму, што шмат пацыентаў. А таму, што мы, у выпадку выяўлення нават аднаго пацыента з каранавірусам, абавязаны рэагаваць максімальна хутка, каб не дапусціць распаўсюджвання інфекцыі", - сказаў Уладзімір Каранік.

У якасці прыкладу міністр прывёў першы выпадак з каранавірусам:

- На працягу сутак быў шпіталізаваны 91 кантакт першага ўзроўню. Аналіз у гэтых выпадках можа прыйсці днём, раніцай ці нават ноччу. Мы на гэта рэагуем адразу ж. У першым выпадку з каранавірксам нарада была сабраная ў Міністэрстве аховы здароўя ў 3 гадзіны ночы. Адпаведна, мы павінны мець рэзервовы фонд ложкаў для таго, каб не дапусціць перасячэння патокаў пацыентаў з падазрэннем на інфекцыю і з іншымі захворваннямі. Таму і ствараюцца меры прафілактыкі. Чым лепш мы будзем гатовыя прафілактычна, тым менш шанцаў, што гэтыя койкі нам усім спатрэбяцца. На сёння яны нам не патрэбныя. Аднак прыказку "Рыхтуй сані летам" ніхто не адмяняў. Калі яны нам спатрэбяцца, а іх не будзе, то гэта выкліча затрымку ў часе, перапынак у аказанні меддапамогі, што павялічыць рызыку неспрыяльных зыходаў.

Уладзімір Каранік таксама дадаў, што рызыку цяжкіх формаў каранавіруснай інфекцыі ў Беларусі ён расцэньвае як не вельмі высокую:

- Мы жывем у свеце з мікробамі і не можам абараніцца, каб яны не прыйшлі. Але каб ніхто ад гэтай хваробы не памёр, у нашых сілах распачаць усе меры. На сённяшні момант рызыку цяжкіх формаў расцэньваем як не вельмі высокую, таму што, у адрозненне ад многіх краін, у нас ёсць некалькі іншая пабудова сістэмы, якая дазваляе больш аператыўна і адэкватна рэагаваць на наяўныя выклікі.

Нагадаем, першы выпадак выяўлення каранавіруса ў Беларусі Міністэрства аховы здароўя абвясціла 28 лютага. Захварэў адзін са студэнтаў БНТУ, які прыляцеў з Ірана. Таксама знайшлі прыкметы віруса і ў бацькі яго нявесты. Акрамя таго, у бальніцу пад каранцін трапілі 26 аднагрупнікаў хлопца і 7 выкладчыкаў. Сам універсітэт адмяніў аўдыторныя заняткі да 15 сакавіка.

1 сакавіка ў адным з тэстаў, якія былі выкананы ў беларускі з Віцебска, таксама быў выяўлены фрагмент РНК, які можа належаць тыпу каранавіруса 2019-nCoV. Дызайнер віцебскага прадпрыемства і двое яе калегаў прыбылі з Італіі.

Чацвёрты выпадак захворвання быў выяўлены 3 сакавіка вечерам, 4 сакавіка — яшчэ два выпадкі.

7 сакавіка ўвечары Міністэрства аховы здароўя паведаміла, што ў студэнта з Ірана атрыманы першы адмоўны вынік на наяўнасць РНК каранавіруса.

Прэв'ю: АНТ