Вы тут

У Кобрыне мужчына ўгнаў чужы мiкрааўтобус у надзеi, што гаспадар не стане звяртацца ў мiлiцыю


Ранiцай жыхар Кобрына не знайшоў свой аўтамабiль Volkswagen Multivan Т4, якi напярэдаднi прыпаркаваў у двары шматпавярховiка. З улiкам дарагога будаўнiчага iнструмента, якi ляжаў у машыне, агульная сума шкоды склала каля 30 тысяч рублёў. Пацярпелы неадкладна выклiкаў мiлiцыю.


Вывучыўшы запiсы з камер вiдэаназiрання, сышчыкi ўстанавiлi, што мiкрааўтобус выкралi каля 2.30. Маршрут руху паказваў, што транспарт «увялi» за горад.

Увечары таго ж дня «бус» выявiлi за 15 кiламетраў ад райцэнтра — у гаражы на тэрыторыi закiнутага домаўладання. Да таго часу была атрымана iнфармацыя пра мужчыну, якi можа быць датычны да злачынства. Ноччу падазраванага затрымалi ў Кобрыне, расказалi ва УУС Брэсцкага аблвыканкама.

Фiгурантам аказаўся раней судзiмы 47-гадовы жыхар райцэнтра. Участак, дзе ён абсталяваў гараж-адстойнiк, належыць далёкiм сваякам. Мужчына ўзяў у iх ключ ад пабудовы некалькi месяцаў таму.

Затрыманы вядомы праваахоўнiкам тым, што краў аўтамабiлi ў Еўропе i легалiзоўваў iх у Расii. Гэтым разам падазраваны iшоў на справу ў надзеi на крымiнальнае мiнулае «буса» i разлiчваў, што ўладальнiк пабаiцца заяўляць пра знiкненне транспартнага сродку ў мiлiцыю. Разлiк аказаўся няслушным: машына была юрыдычна чыстая.

Распачата крымiнальная справа за крадзеж у асаблiва буйным памеры.

Сяргей РАСОЛЬКА

Прэв'ю: bobr.by

Выбар рэдакцыі

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?