Інцыдэнт адбыўся ў прыватным доме ў аграгарадку Ратамка, дзе маці з сынам пражываюць сумесна. Скандалістам, які размахваў сякерай і пагражаў пажылой жанчыне, аказаўся п'яны 49-гадовы сын заяўніцы.
Паводле папярэдняй інфармацыі, у адзін з вечароў ён вярнуўся дадому нападпітку. Мужчына стаў тэрарызаваць маці і патрабаваць грошы на спіртное. Калі пажылая жанчына сказала, што іх няма, скандаліст схапіў сякеру. Пад удзеяннем алкаголю, усхадзіўшыся, мужчына стаў біць сякерай па сцяне, дзвярах і падлозе, паведамляе УУС Мінаблвыканкама.
У пенсіянеркі не было магчымасці папрасіць у каго-небудзь дапамогі. Заставалася адзінае - выканаць жаданне сына. Праз некаторы час у міліцыю звярнуўся другі сын пацярпелай з паведамленнем аб тым, што адбылося. Супрацоўнікі міліцыі затрымалі скандаліста.
Дзеянням затрыманага будзе дадзена прававая ацэнка, распачата крымінальная справа.
Сяргей РАСОЛЬКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».