Вы тут

Прадстаўленыя новыя кнiгi серыi «Беларусь. Трагедыя i праўда памяцi»


У Дзень усенароднай памяцi ахвяр Вялiкай Айчыннай вайны выдавецтва «Беларуская энцыклапедыя iмя Петруся Броўкi» прадставiла новыя кнiгi серыi «Беларусь. Трагедыя i праўда памяцi».


Праект пачынаўся ў 2018 годзе як асобная кнiга да 75-годдзя хатынскай трагедыi, але ў вынiку вылiўся ў цэлую кнiжную серыю, прысвечаную самым страшным старонкам Вялiкай Айчыннай вайны. Аформленыя ў выглядзе «чорных квадратаў памяцi», кнiгi на рускай, беларускай i англiйскай мовах расказваюць шырокай аўдыторыi пра злачынствы нямецка-фашысцкiх захопнiкаў на тэрыторыi Беларусi: Хатынь, Трасцянец, Навагрудак, Масюкоўшчына, Азарычы i многiя iншыя месцы масавага знiшчэння людзей, ваеннапалонных, мiрных жыхароў, партызан i падпольшчыкаў...

За кожным выданнем — архiўныя дакументы i занатаваныя ўспамiны вiдавочцаў тых страшных падзей, грунтоўная даследчая работа мясцовых краязнаўцаў, прафесiйных вучоных-гiсторыкаў, пошукавых атрадаў, якая часта доўжылася не адзiн год i нават дзесяцiгоддзе. Так, аўтар новай кнiгi «Асiповiчы» краязнаўца i настаўнiца гiсторыi Неанiла Цыганок добрых 15 гадоў разам са сваiмi вучнямi займалася пошукавай работай, па драбнiцах збiраючы звесткi, — дзякуючы гэтай працы 176 iмён загiнулых сёлета абнародаваныя ўпершыню.

Нават праз 79 гадоў з пачатку Вялiкай Айчыннай вайны вельмi важна захоўваць праз памяць сувязь пакаленняў i шырока папулярызаваць гiсторыю, каб нiхто не меў магчымасцi яе перапiсаць на новы лад, падкрэслiваюць удзельнiкi выдавецкага праекта — навукоўцы, даследчыкi, прадстаўнiкi музеяў i мемарыяльных комплексаў. Загадчыца аддзела навукова-даследчай работы Беларускага дзяржаўнага музея гiсторыi Вялiкай Айчыннай вайны Наталля Яцкевiч расказала, у прыватнасцi, што практычна кожны тыдзень музей атрымлiвае ад беларусаў, жыхароў постсавецкiх i замежных краiн запыты пра лагер ваеннапалонных у Масюкоўшчыне: людзi не губляюць надзеi ўстанавiць месца гiбелi i ўшанаваць памяць сваiх дзядоў i прадзедаў. Нядаўна, напрыклад, грамадзянiн Iталii даслаў электронныя копii лiстоў свайго дзеда са штэмпелем «Шталаг 352» — i цяпер мы ведаем яшчэ адно прозвiшча з прыблiзна пяцi тысяч iтальянскiх ваеннапалонных, якiя загiнулi ў канцлагеры Масюкоўшчына.

«Гiсторыю трэба помнiць i захоўваць, каб жыць i развiвацца далей. Таму, безумоўна, серыя будзе працягвацца», — зазначае кiраўнiк выдавецтва «Беларуская энцыклапедыя iмя Петруся Броўкi» Вольга ВАНIНА. У цяперашнi час працягваецца збор матэрыялаў па Магiлёўскай i Вiцебскай абласцях, па Брэсцкiм гета, па дзiцячым канцлагеры «Чырвоны Бераг» — на жаль, «чорных квадратаў памяцi» i  нявыяўленых пахаванняў воiнаў i ахвяр Вялiкай Айчыннай вайны на беларускай зямлi яшчэ вельмi многа...

Вiкторыя ЦЕЛЯШУК

Загаловак у газеце: Старонкi праўды i болю

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.