Вы тут

Папулярныя ў моладзi нiкацiназмяшчальныя «цукеркi» прадавацца не будуць


Сёння ўступае ў сiлу пастанова Савета Мiнiстраў № 232 ад 15 красавiка «Аб змяненнi пастаноў Савета Мiнiстраў Рэспублiкi Беларусь па пытаннях рознiчнага гандлю». Упершыню ў нацыянальным заканадаўстве будзе замацавана вызначэнне тэрмiну «нетытунёвыя нiкаціназмяшчальныя вырабы». Пра гэта расказаў начальнiк упраўлення арганiзацыi гандлю i грамадскага харчавання Мiнiстэрства антыманапольнага рэгулявання i гандлю Мiхаiл ЖЫГАЛА.


— Абарот тытунёвай прадукцыi ў краiне рэгулюецца дэкрэтам № 28 ад 17 снежня 2002 года. Пад яго дзеянне трапляюць тытунёвыя вырабы i прызначаныя для спажывання шляхам награвання, а таксама вадкасцi для электронных сiстэм курэння. Апошнiя могуць як змяшчаць нiкацiн, так i абыходзiцца без яго. Абарот iншых нiкацiназмяшчальных вырабаў, якiя не ўтрымлiваюць тытунь, да цяперашняга часу заканадаўствам у нас не рэгуляваўся (дарэчы, такая сiтуацыя i ў многiх iншых краiнах). Але на сёння гэтая прадукцыя мае вялiкую папулярнасць на рынку, асаблiва ў моладзi, i, як правiла, пазiцыянуецца як альтэрнатыва тытунёвай.

Нетытунёвыя вырабы з нiкацiнам могуць быць прадстаўлены ў выглядзе мармеладу, жавальнай гумкi, ледзянцоў, цукерак. Смакавыя якасцi дазваляюць iм быць дастаткова прывабнымi для спажыўцоў нiкацiну, асаблiва для непаўналетнiх.

— Таму пастановай уводзяцца абмежаваннi на продаж такiх вырабаў асобам да 18 гадоў. Уведзена забарона на продаж у форме разноснага гандлю як з выкарыстаннем перасоўных сродкаў, такiх як гандлёвыя аўтаматы, каляскi, латкi, кошыкi, так i без iх. Забараняецца i продаж метадам самаабслугоўвання, пры якiм у пакупнiка ёсць непасрэдны доступ да гэтай прадукцыi. Не дапускаецца адкрытая выкладка нетытунёвых нiкацiназмяшчальных вырабаў у вiтрынах, iншым гандлёвым абсталяваннi. Выключэнне — крамы бяспошлiннага гандлю. Iнфармацыя аб рэалiзацыi вырабаў павiнна размяшчацца ў выглядзе пералiку з указаннем iх найменняў у алфавiтным парадку. Не дапускаецца продаж такiх вырабаў па ўзорах. Iнакш кажучы, прадукцыя не будзе рэалiзоўвацца ў iнтэрнэт-крамах i з выкарыстаннем iншых метадаў дыстанцыйнага продажу. Да таго ж нетытунёвая прадукцыя будзе забаронена да продажу на рынках, — адзначыў спiкер.

У адпаведнасцi з нормамi дакумента, спажыўцы не маюць права вярнуць нетытунёвы нiкаціназмяшчальны выраб або абмяняць яго на аналагiчны тавар. Акрамя таго, камiсiйны гандаль з выкарыстаннем такiх тавараў немагчымы.

На сёння ў многiх краiнах вызначана, што прыём розных вiдаў нiкацiназмяшчальнай прадукцыi можа стаць прычынай заўчаснай смерцi цi развiцця розных неiнфекцыйных захворванняў: анкалогii, хвароб лёгкiх, гастрыту, адэномы. Пра гэта расказала вядучы навуковы супрацоўнiк аддзела псiхiчных i паводзiнскiх расстройстваў Рэспублiканскага навукова-практычнага цэнтра псiхiчнага здароўя Iнеса ГРЫГОР'ЕВА:

— Як у тытунёвых вырабах, так i ў нiкацiназмяшчальных асноўнае рэчыва — псiхаактыўнае. Ад гэтага ў спажыўца хутка фармiруецца прывыканне, на яго аказваецца таксiчнае ўздзеянне. Той, хто мае залежнасць ад электронных цыгарэт, спажывае ў 2-2,5 разы больш нiкацiну ў параўнаннi з тымi, хто курыць цыгарэты (прыкладна на ўзроўнi двух пачкаў цыгарэт у дзень). Вынiкi розных даследаванняў апошнiх гадоў, праведзеных у многiх краiнах, сведчаць пра тое, што ў «электронках» утрымлiваецца каля шасцi небяспечных элементаў: свiнец, мыш'як, нiкель i iншыя. Кампанii, якiя iх вырабляюць, актыўна ўкладаюцца ў маркетынг, хутка прэзентуюць на рынак новую прадукцыю, якая прыцягвае ўвагу пакупнiкоў. Але ўсiм варта ведаць, што гэта вельмi шкодна i небяспечна для здароўя.

Дар'я ШЛАПАКОВА

Прэв’ю: narkopro.ru

Загаловак у газеце: Паласавацца нiкацiнам ужо не атрымаецца

Выбар рэдакцыі

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.

Грамадства

Рэктар Магілёўскага дзяржуніверсітэта Дзянiс Дук: У нас свае асаблiвасцi i шлях развiцця ў сусветнай гiсторыi

Рэктар Магілёўскага дзяржуніверсітэта Дзянiс Дук: У нас свае асаблiвасцi i шлях развiцця ў сусветнай гiсторыi

Тры гады таму Дзянiс Дук пераехаў у Магiлёў, каб узначалiць вядучую ВНУ вобласцi па падрыхтоўцы педагагiчных кадраў.

Эканоміка

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Прадукты для эфектыўнай энергіі: аксіяльны ветрагенератар, анодныя зазямляльнікі, керамзітапенабетон, паліўныя брыкеты

Пераможцы шостага конкурсу «Лідар энергаэфектыўнасці — 2020» сёлета ўдзельнічалі ў спаборніцтвах анлайн і гэтак жа атрымлівалі віншаванні.