Вы тут

Гран-пры конкурсу маладых выканаўцаў на «Славянскім базары ў Віцебску» застаўся ў Беларусі


Учора ў Віцебску завяршыўся 29-ы міжнародны фестываль мастацтваў і вырашылася галоўная інтрыга творчага спаборніцтва — конкурсу маладых выканаўцаў. Гран-пры, спецыяльны прыз «Ліра» і грашовую прэмію ў памеры 20 тысяч долараў па рашэнні прафесійнага журы атрымаў прадстаўнік Беларусі Раман Волазнеў.


Раман Волазнеў.

У першым туры конкурсу Раман выканаў беларускамоўную песню «Свяча», якую напісаў сам на верш Максіма Багдановіча, а ў туры «Сусветны хіт» — Autumn Leaves (гэту кампазіцыю і каверы на яе запісвалі на розных мовах папулярныя выканаўцы па ўсім свеце, у тым ліку Іў Мантан, Даліда, Дэміс Русас, Ігі Поп і іншыя). У выніку ён набраў 134 балы; столькі ж атрымала прадстаўніца Украіны Эліна Івашчанка, якой у выніку журы прысудзіла першую прэмію конкурсу «Віцебск-2020». Лаўрэатам другой прэміі стала Караліна Лында з Літвы, а трэцюю падзялілі паміж сабой Івона Одзіцкі (Боснія і Герцагавіна) і Хансултан (Казахстан).

Ангеліна Ламака.

Нагадаем, што і галоўная ўзнагарода дзіцячага міжнароднага конкурсу таксама засталася ў Беларусі — Гран-пры заваявала Ангеліна Ламака. Аналагічны вынік на «Славянскім базары ў Віцебску» нашы артысты паказвалі ажно 15 год таму, у 2005-м, калі трыумфатаркамі абодвух конкурсаў сталі Паліна Смолава і Ксенія Сітнік.

Вікторыя ЗАХАРАВА

Фота БЕЛТА

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.