Вы тут

У аб'ектыве — зiмародак


Яшчэ нiколi не даводзiлася мне так доўга i апантана здымаць дзiкiх птушак, як я рабiў гэта, назiраючы i вывучаючы маленькага i iмклiвага крылатага жыхара нашых рэк, азёраў i ручаёў — зiмародка. Калiсьцi здалёк бачыў гэтую вельмi скрытную i надзiва прыгожую птушачку, а вось так блiзка, можна сказаць, з адлегласцi выцягнутай рукi, упершыню. Любаваўся ёю i ўволю здымаў. Больш за тры тыднi свайго сёлетняга чарговага адпачынку я правёў побач з зiмародкавай сям'ёю. I гэта было сапраўдным паляўнiчым шчасцем. Пачалiся птушыныя прыгоды на адным з мелiярацыйных каналаў у Смалявiцкiм раёне, калi прырода толькi-толькi перайшла на летнюю вопратку. Менавiта тады i там я пачуў знаёмы i вельмi пранiзлiвы свiст — «цiiт-цiйi». Сапраўды, нiзка над вадой праляцела блакiтна-серабрыстая маланка, як называюць арнiтолагi зiмародка. I гэта быў сiгнал, якi перакрэслiў усе мае наступныя планы. Узброiўшыся даўгафокусным фотааб'ектывам, палаткай i тыднёвым правiянтам, я пакiнуў сталiцу i стаў суседам рэдкай птушкi-рыбачкi, якая занесена ў Чырвоную кнiгу Беларусi. Прыйшлося пабудаваць часовую невялiкую схованку каля нары, дзе выводзiлiся птушаняты, пiльнаваць, як птушкi садзiлiся на галiнкi вербалозу i на старыя камлi i... пазiравалi, як дарослыя птушкi прыносiлi i кармiлi сваiх гадаванцаў маленькай рыбай. Дачакаўшыся, калi апошняе птушаня пакiнула гняздо, я зрабiў фота, на якiм дарослы зiмародак частуе малога «рыбным ласункам» — за яго першы i смелы палёт.


Анатоль КЛЯШЧУК

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.