Вы тут

Анлайн-рэпетыцыя будучага ЦТ. Што трэба ведаць пра першы этап РТ?


Першы этап рэпетыцыйнага тэсцiравання ў анлайн-рэжыме стартуе 23 кастрычнiка на сайце Рэспублiканскага iнстытута кантролю ведаў.


Нагадаем, што 1 кастрычнiка ў Беларусi распачаўся першы этап рэпетыцыйнага тэсцiравання. Сёлета яго можна прайсцi непасрэдна ў пункце тэсцiравання на папяровым бланку альбо анлайн.

Рэпетыцыйнае тэсцiраванне праводзiцца ў тры этапы: першы адбудзецца ў кастрычнiку—снежнi, другi — у студзенi—лютым, трэцi — у сакавiку—красавiку 2021 года. Пералiк устаноў адукацыi, на базе якiх можна прайсцi выпрабаванне, размешчаны на сайце Рэспублiканскага iнстытута кантролю ведаў. Пры гэтым кожны пункт правядзення тэсцiравання вызначае свой графiк правядзення i колькасць удзельнiкаў РТ па вучэбных прадметах.

Рэпетыцыйнае тэсцiраванне ў рэжыме анлайн будзе праходзiць адначасова з традыцыйнай формай выпрабаванняў. Пры гэтым варыянты педагагiчных тэстаў па вучэбных прадметах, якiя будуць прадстаўлены пры правядзеннi гэтых двух вiдаў рэпетыцыйнага тэсцiравання, — розныя.

Для таго каб прайсцi РТ у анлайн-фармаце, неабходна мець улiковы запiс у сiстэме анлайн-рэгiстрацыi на рэпетыцыйнае тэсцiраванне, аформiць i аплацiць заяўку. Арганiзатары рэкамендуюць будучым абiтурыентам адказна падысцi да выканання заданняў тэста i запаўняць вiртуальны бланк адказаў без прыцягнення старонняй дапамогi. Атрымаць аб’ектыўны вынiк можа толькi добрасумленная праца.

Сiстэма папярэджвае ўдзельнiка за пятнаццаць i пяць хвiлiн да заканчэння часу, адведзенага на выкананне тэста. Пасля яго заканчэння, калi вы не нацiснулi на кнопку «Завяршыць тэсцiраванне», сiстэма перапынiць сеанс тэсцiравання, захаваўшы толькi тыя адказы, што былi ўнесеныя ў электронную форму бланка адказаў. У сувязi з гэтым, як i пры праходжаннi цэнтралiзаванага тэсцiравання, неабходна пакiнуць час для запаўнення бланка адказаў.

Пасля завяршэння тэста можна адразу ўбачыць свой вынiк. Iнфармацыя ўтрымлiвае звесткi аб заданнях, якiя абiтурыент выканаў правiльна цi не справiўся з iмi, а таксама аб атрыманых першасным i тэставым балах. Акрамя таго, праз нейкi час абiтурыенту будуць даступныя матэрыялы тэматычнага кансультавання. Яны ўключаюць непасрэдна заданне, яго рашэнне i (цi) каментарый да яго, правiльны адказ i спасылку на падручнiк цi вучэбны дапаможнiк з указаннем параграфа, у якiм выкладзены гэты матэрыял.

Рэпетыцыйнае тэсцiраванне праводзiцца па 15 вучэбных прадметах за курс агульнай сярэдняй адукацыi: па рускай i беларускай мовах, фiзiцы, матэматыцы, хiмii, бiялогii, замежных мовах, гiсторыi Беларусi, грамадазнаўстве, геаграфii i Сусветнай гiсторыi найноўшага часу.

Надзея НІКАЛАЕВА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.