Вы тут

У абітурыентаў з’явілася магчымасць яшчэ раз адрэпетаваць будучае ЦТ


З 4 і 8 чэрвеня на сайце Рэспубліканскага інстытута кантролю ведаў дадаткова стануць даступныя для праходжання ў рэжыме анлайн варыянты рэпетыцыйнага тэсціравання другога і першага этапаў адпаведна.


Арганізатары тлумачаць: калі абітурыент удзельнічаў у першым і (або) другім этапе бланачнага рэпетыцыйнага тэсціравання (яны праходзілі афлайн з кастрычніка па красавік), у іх будзе магчымасць выбраць той варыянт тэсту, які на адпаведным этапе рэпетыцыйнага тэсціравання яны не выконвалі.

Калі ў асабістым кабінеце абітурыента на сайце РІКВ маюцца свабодныя аплаты, якія ўтварыліся з-за адмены сеансаў бланачнага рэпетыцыйнага тэставання, іх можна выкарыстаць для аплаты тэсціравання ў рэжыме on-line. У такім выпадку дадатковай аплаты не патрабуецца. Кошт удзелу ў рэпетыцыйным тэсціравання складае 7 рублёў за адну дысцыпліну.

Таксама арганізатары ЦТ яшчэ раз патлумачылі, як абітурыентам цяпер вызначыцца з датай праходжання іспытаў па рускай мове і матэматыцы. Гэта самыя масавыя дысцыпліны на ЦТ, таму ўпершыню, у сувязі з напружанай эпідэміялагічнай абстаноўкай, для іх здачы зарэзерваваныя два дні, а абітурыенты падзелены на два патокі.

Калі пропуск на прадмет «Руская мова» быў выдадзены на 15 чэрвеня, у пункт тэсціравання трэба прыйсці 26 чэрвеня (27 чэрвеня абітурыент ужо не будзе дапушчаны да праходжання ЦТ). Калі ў пропуску пазначана дата ЦТ па прадмеце «Руская мова» 27 чэрвеня, то абітурыент павінен з’явіцца ў пункт тэсціравання менавіта 27 чэрвеня (26 чэрвеня ён не зможа здаць ЦТ). Па матэматыцы абітурыенты, у якіх у пропуску пазначана дата 19 чэрвеня, здаюць ЦТ 1 ліпеня, у каго пазначана 2 ліпеня, здаюць тэст 2 ліпеня.

Абітурыентам, якія ў ходзе рэгістрацыі на ЦТ атрымалі пропускі да зацвярджэння новага графіка правядзення цэнтралiзаванага тэсцiравання, абменьваць іх не спатрэбіцца.

Надзея НІКАЛАЕВА

Фота Сяргея НІКАНОВІЧА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.