28 студзеня ў кінатэатры «Цэнтральны» прайшло адкрыццё выставы работ арт-студыі «ОХРА» пад назвай «Вернісаж-4». Лічба ў назве мерапрыемства не проста так. Студыі споўнілася чатыры гады, і святочная атмасфера панавала на працягу ўсяго вечара.
Задума арганізатараў у тым, каб даказаць на справе: займацца творчасцю могуць абсалютна ўсе. І творы ўдзельнікаў студыі гэта пацвярджаюць. Калі на секунду ўявіць, што знаходзішся ў выставачнай зале мастацкага музея, нават ніякага сумневу не ўзнікне, што карціны напісаныя не мастакамі. Вельмі цікава разглядаць мастацкія творы і чытаць пад імі не толькі назвы, але і прафесію аўтараў: інжынер, праграміст, бухгалтар, эканаміст — адразу ж у галаву прыходзіць думка: «Можа і мне паспрабаваць?»
У экспазіцыі прадстаўлены 36 карцін ад 20 мастакоў, творы былі выкананы ў розных тэхніках і стылях. Дарэчы, акрамя дарослых аўтараў, некаторыя карціны былі прадстаўлены і навучэнцамі малодшых груп, у якіх займаюцца школьнікі.
Дэвіз заснавальніцы студыі Юліі Коба сапраўды матываваў: «Гэтай выставай мы хочам усяліць веру ў сябе і ўсім, хто хацеў паспрабаваць маляваць, але не вырашаўся раней гэта зрабіць. Палюбуйцеся працамі вучняў і пераканайцеся, што маляваць можа кожны. Узрост і прафесія не маюць значэння. Галоўнае — ваша жаданне!»
Пераканацца ў гэтым увачавідкі можна да 27 лютага — да гэтага часу будзе доўжыцца выстава. Дарэчы, уваход вольны.
Маргарыта ПАЛЮХОВІЧ
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
