У гонар Дня Усіх Закаханых у Палацы спорта на гэтых выходных праходзіць новая для Мінска шоу-выстава — «Бэбі салон кацянят — 2022».
Удзел у выставе прынялі каля 50 прыватнікаў са сваімі цудоўнымі кацянятамі з самых розных куткоў краіны. Самым прыемным аказалася прыязнасць гаспадароў і іх дазвол дакранацца да іх маленькіх і неверагодна мілых гадаванцаў. А гэта сапраўды вельмі прыемны бонус, таму што на выставу прыйшло шмат маленькіх дзяцей, якім так і хацелася тактыльна адчуць выдатных і рэдкіх кацянят.
Старшыня клуба «Містэр Кот» Вольга Рагачова-Кузака дапамагла тым, хто прыйшоў, лепей азнаёміцца з прадстаўленымі жывёламі. Дзякуючы цікавым фактам пра кацянят, наведвальнікі яшчэ з вялікім энтузіязмам даведваліся дадатковыя падрабязнасці аб іх магчымых будучых гадаванцах. Напрыклад, брытанцы — незалежныя жывёлы, а вось дэвон-рэксы маюць патрэбу ў людзях і іх ласцы.
Самай папулярнай пародай аказаліся шатландцы і вышэйзгаданыя брытанцы. Таксама можна было палюбавацца мэйн-кунамі, бенгальскай пародай і шматлікімі іншымі.
Самым дарагім малым — яму ўсяго 4 месяцы — стала кацяня дэвон-рэкс. Яго можна было набыць за 600 у. а. Гэта вельмі прыгожая і незвычайная парода. Іх называюць эльфамі кацінага свету. Прырода ўзнагародзіла іх натуральнай завіўкай воўны. Выглядаюць сапраўды вельмі цікава і прывабна.
Дарэчы, акрамя таго, што наведвальнікі маглі адразу набыць патэнцыйнага гадаванца, таксама можна было атрымаць бясплатную кансультацыю ветэрынара, і набыць усё неабходнае ў суседніх кіёсках з таварамі для кацянят.
Выстава працягнецца сёння да 18:00.
Маргарыта ПАЛЮХОВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
