Традыцыйным праектам па прадстаўленню сучаснага стану кнігавыдання ў Расіі стаў фестываль «Таркі-Тау», які многія гады праводзіцца ў сталіцы Дагестана.
Вось і сёлета прэстыжны расійскі кніжны форум пройдзе ў Махачкале з 6 па 8 кастрычніка 2023 года. Да ўдзелу ў фестывалі запрошаны і беларускі бок — у прыватнасці, Саюз пісьменнікаў Беларусі, Выдавецкі дом «Звязда».
— Сёлета «Таркі-Тау», — расказвае адзін з інціыятараў унікальнага творчага праекта, шматгадовы яго арганізатар публіцыст, перакладчык, кнігавыдавец Марат Гаджыеў, — мы прысвяцілі 100-годдзю нашага легендарнага творцы Расула Гамзатава. Лаўрэат Ленінскай прэміі, Герой Сацыялістычнай Працы, народны паэт Дагестанскай АССР, ён быў і застаецца сапраўдным сімвалам дагестанскай, аварскай літаратуры. Пісьменніка добра ведалі ў Беларусі. З Расулам Гамзатавым сябраваў класік беларускай нацыянальнай паэзіі Аркадзь Куляшоў. Вершы Расула Гамзатава перакладзены на беларускую мову. Таму нам вельмі хацелася б, каб на фестывалі «Таркі-Тау» прысутнічала і беларуская тэма.
У ранейшыя гады на кніжным форуме ў Махачкале ўдзельнічалі паэт і перакладчык Рагнед Малахоўскі, намеснік старшыні Саюза пісьменнікаў Беларусі, намеснік дырэктара Выдавецкага дома «Звязда» — галоўны рэдактар газеты «Літаратура і мастацтва» Аляксей Чарота. Традыцыйна на «Таркі-Тау» прадстаўляліся кнігі беларускіх выдавецтваў.
У літаратурна-мастацкай перыёдыцы Беларусі калектыўных альманахах «Созвучие» і «Далягляды» у апошнія гады былі надрукаваны творы пісьменнікаў Дагестана — Анварбека Култаева, Сувайнат Кюрэбекавай, Міясат Муслімавай, Марата Гаджыева, Магамеда Ахмедава і іншых мастакоў слова.
Дарэчы, у кастрычніку 2023 г. на «Таркі-Тау» будзе прэзентаваны і альманах «Далягляды-2023», які толькі што пабачыў свет у выдавецтве «Мастацкая літаратура», альманах, у якім па традыцыі шырока прадстаўлена літаратура народаў Расіі — Башкартастана, Дагестана, Кабардзіна-Балкарыі, Калмыкіі, Марый Эл, Татарстана, Хакасіі, Чачні, Чувашыі.
Сяргей ШЫЧКО
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.