Пабітую машыну з целам загінулага кіроўцы выпадковы мінак выявіў праз два дні пасля аварыі. Пра гэта паведамілі ва ўпраўленні ДАІ УУС Гродзенскага аблвыканкама.
Смяротнае ДТЗ адбылося ў Зэльвенскім раёне 20 ліпеня. Каля 8 гадзін вечара непадалёк ад вёскі Галынка 67-гадовы жыхар Мінска не справіўся з кіраваннем, у выніку чаго "Фольксваген" вылецеў у кювет. Мужчына загінуў.
"У міліцыі аб ДТЗ стала вядома толькі 22 ліпеня. Разбіты аўтамабіль быў знойдзены ў кустах выпадковымі мінакамі, недалёка ад яго знаходзілася і цела вадзіцеля", - адзначылі ў ДАІ. Таксама высветлілася, што ў момант аварыі кіроўца быў не адзін. Неўзабаве асобу пасажыра ўстанавілі. 46-гадовы мужчына 21 ліпеня звяртаўся па дапамогу ў шпіталь. Пералом рэбраў ён патлумачыў падзеннем з вышыні.
Зараз высвятляюцца ўсе абставіны аварыі, а таксама дзіўныя паводзіны пасажыра пасля яе.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
