Банкаўскія карткі могуць не працаваць у Беларусі уначы 21 верасня

Банкаўскія карткі могуць не працаваць у Беларусі ў ноч на 21 верасня, паведамілі БЕЛТА ў Банкаўскім працэсінгавым цэнтры.

У прамежак часу з 2.00 да 5.00 Банкаўскі працэсінгавы цэнтр будзе праводзіць тэхналагічныя работы на сеткавым абсталяванні.

У названы інтэрвал магчымыя кароткачасовыя перапынкі ў абслугоўванні трымальнікаў картак банкаў, якія карыстаюцца паслугамі цэнтра, а таксама ў сетцы арганізацый гандлю (сэрвісу), пунктаў выдачы наяўных, прылад самаабслугоўвання, банкаматаў, якія абслугоўваюцца банкамі, падключанымі да апаратна-праграмнага комплексу цэнтра.