Магіляўчанка пазбавілася дарагой тэхнікі, аддаўшы яе ў рамонт знаёмаму

Жыхарка Магілёва пазбавілася дарагой тэхнікі, аддаўшы яе ў рамонт знаёмаму. Аб гэтым паведамляе БелТА са спасылкай на УУС Магілёўскага аблвыканкама.

З заявай у міліцыю звярнулася 33-гадовая магіляўчанка, якая распавяла праваахоўнікам, што стала ахвярай падману. Жанчына аддала знаёмаму два ноўтбукі і мабільны тэлефон, якія той абяцаў адрамантаваць, але ў выніку пазбавілася дарагой тэхнікі на суму амаль Br1, 2 тыс.

Як аказалася, чужую маёмасць забраў 28-гадовы нідзе не працуючы, раней не судзімы мужчына. Даведаўшыся ад прыяцелькі, што тая сабралася аддаць ноўтбукі і тэлефон у рамонт, мужчына прапанаваў сваю дапамогу ў рамонце і паабяцаў, што зробіць гэта бясплатна. Магіляўчанка аддала яму маёмасць і стала чакаць вынікаў рамонту. Аднак прыяцель не спяшаўся вяртаць адрамантаваныя гаджэты, а пасля і зусім перастаў выходзіць на сувязь.

Выкрадзенае канфіскавана і вернута жанчыне. У дачыненні да фігуранта распачатая крымінальная справа, следчыя далі прававую ацэнку.

Прэв’ю: pixabay.com