Вы тут

Анатоль Курылец назначаны генеральным дырэктарам ХК "Дынама-Мінск"


Анатоль Курылец назначаны генеральным дырэктарам ХК "Дынама-Мінск", раней ён займаў пасаду намесніка генеральнага дырэктара па бяспецы сталічнага клуба, паведамілі ў прэс-службе мінскай каманды.


Старшыня Наглядальнага савета клуба Ігар Шуневіч адзначыў яго вялікі жыццёвы і кіраўніцкі вопыт. "Сітуацыю, пры якой больш за год хакейны клуб працуе без генеральнага дырэктара, здаровай не назавеш. Члены Наглядальнага савета не раз выказвалі занепакоенасць такім становішчам, прапаноўваліся розныя варыянты, як можна было б запоўніць вакансію. У выніку мы прыйшлі да аптымальнага, на мой погляд, рашэння - назначыць на адказную пасаду чалавека, які мае вялікі кіраўніцкі і жыццёвы вопыт. Анатоль Курылец прайшоў вялікі шлях у органах правапарадку ад камандзіра ўзвода да намесніка міністра ўнутраных спраў. Апошнія паўтара года ён займаў пасаду намесніка генеральнага дырэктара па бяспецы "Дынама-Мінск". За гэты час паспеў унікнуць ва ўсе напрамкі дзейнасці клуба, вывучыць унутраныя адміністрацыйныя і камерцыйныя працэсы. У ходзе службовых камандзіровак Анатоль Курылец наведаў больш як дзясятак арэн КХЛ, наладзіў сувязі з кіраўнікамі Лігі і іншых клубаў", - сказаў Ігар Шуневіч.

Гэта назначэнне не прадугледжвае рэвалюцыйных змяненняў у стратэгіі развіцця клуба. "Дынама-Мінск" прадоўжыць рухацца ў выбраным напрамку, дабіваючыся высокіх спартыўных рэзультатаў і прадаўжаючы заставацца базавым клубам нацыянальнай зборнай. Што датычыцца Паўла Леанідавіча Бурбы, які выконваў абавязкі генеральнага дырэктара, то ён прадоўжыць работу ў клубе і будзе курыраваць спартыўны напрамак, прэс-службу.

БЕЛТА

Выбар рэдакцыі

Грамадства

Пар­ты­зан­скі след у Бе­ла­рус­кай на­сту­паль­най апе­ра­цыі «Баг­ра­ці­ён»

Пар­ты­зан­скі след у Бе­ла­рус­кай на­сту­паль­най апе­ра­цыі «Баг­ра­ці­ён»

Ба­я­вое ўза­е­ма­дзе­ян­не най­вы­шэй­ша­га ўзроў­ню.

Грамадства

Якой павінна быць ежа для дзяцей: смачнай ці карыснай?

Якой павінна быць ежа для дзяцей: смачнай ці карыснай?

«Дзесяцігоддзі школьнае харчаванне нашых дзяцей будавалася на аснове зборніка рэцэптур».

Энергетыка

Беларусь у лідарах па энергаэфектыўнасці

Беларусь у лідарах па энергаэфектыўнасці

А сярод краін ЕАЭС — на першым месцы.