Графіка Арлена Кашкурэвіча, Васіля Шаранговіча, Георгія Паплаўскага, Лазара Рана, Людвіга Асецкага, Мікалая Гуціева, Паўла Любамудрава, Пятра Дурчына ды іншых славутых мастакоў склала выстаўку «У полымі ваенных гадоў», што адкрылася напярэдадні Дня Перамогі ў галерэі «Атрыум» Нацыянальнай бібліятэкі Беларусі. Работы з фонду Беларускага саюза мастакоў аб’яднаныя ваеннай тэматыкай, толькі некаторыя прысвечаны пасляваенным старонкам жыцця беларусаў. Аўтары — сведкі Вялікай Айчыннай: хтосьці з іх быў на фронце, нехта змагаўся з ворагам у партызанскіх атрадах, іншыя былі вымушаны існаваць ва ўмовах акупацыі і эвакуацыі. Да таго ж экспануюцца творы тых, хто зазнаў вайну дзіцем.
Важныя ўрокі мінулага прапаноўваюць стваральнікі паўнаметражнага фільма «Мемарыяльныя комплексы Беларусі — 2», што ўбачыў свет на студыі анімацыйных фільмаў Нацыянальнай кінастудыі «Беларусьфільм». Гледачоў чакаюць пяць новых дакументальна-мастацкіх навел, у якіх распавядаецца пра месцы ўшанавання гісторыі і гераічнае мінулае нашага народа.
Тэма Вялікай Айчыннай вайны ў беларускім выяўленчым мастацтве свяшчэнная. Некаторыя мастакі — і старэйшае пакаленне, і моладзь, — нягледзячы на цікавасць і павагу да мінулага, не адважваюцца звяртацца да тых падзей: не дазваляюць хваляванне, страх, няўпэўненасць, не знаходзяцца мастацкія сродкі для выяўлення розных ідэй. Тым не менш значная колькасць жывапісцаў, скульптараў, графікаў, фатографаў, дызайнераў, майстроў дэкаратыўна-прыкладнога мастацтва і сёння працягваюць шукаць новыя спосабы, метады, шляхі для размовы з гледачом на гэтую тэму.
У новай кнізе Уладзіміра Васько — аповесць «Горад пад вадой», апавяданні, вершы, байкі. Відавочна, што аўтар зборнікам «Салаўіная радасць» трымае перад чытачом творчую справаздачу за пэўны адрэзак часу. Таму, відаць, і аб’яднаны празаічныя і паэтычныя творы. Хоць у апошнія дзесяцігоддзі ўжо стала нормай не займацца «водараздзелам», а разам, у адну кнігу, адзін зборнік, збіраць усё напісанае аўтарам.
Круглы стол «Як беларуская літаратура размаўляе з новым пакаленнем» з удзелам сучасных беларускіх пісьменнікаў Людмілы Рублеўскай, Віктара Шніпа і Вольгі Рацэвіч прайшоў на факультэце журналістыкі БДУ. Абмеркавалі тэндэнцыі беларускай і сусветнай літаратуры, паспрабавалі знайсці формулу «класікі» і спосаб пашырэння нацыянальнага пісьменства сярод моладзі.
«Там, дзе цячэ Пуць-рака...» — адна з новых кніг вядомага беларускага празаіка Уладзіміра Гаўрыловіча. Яна выдадзена ў 2022 годзе ў серыі «Лаўрэат абласной літаратурнай прэміі імя Кірылы Тураўскага 2022 года». Назву менавіта гэтай кнізе даў аднайменны раздзел з рамана-версіі «Па веры вашай...». Часткова з творам беларускі чытач мог пазнаёміцца дзякуючы ранейшай да выхаду гэтай кнігі публікацыі асобных раздзелаў у часопісе «Полымя», ды і яшчэ напрыканцы 2022 года дапрацаваны аўтарам твор выйшаў з друку асобнай кніжкай «Па веры вашай...» (РВУ «Выдавецкі дом «Звязда»). Падкрэслім: абедзве кніжкі з адным і тым жа творам вельмі хутка сталі бібліяграфічнай рэдкасцю. Чаму так?
На факультэце журналістыкі Беларускага дзяржаўнага ўніверсітэта адбылося ўрачыстае ўзнагароджанне пераможцаў Рэспубліканскага літаратурнага конкурсу «БрамаМар». Сёлета ў ім узяла ўдзел рэкордная колькасць работ (больш за 300!), дасланых юнымі пісьменнікамі з усіх рэгіёнаў краіны.
У Гродне прайшла прэзентацыя кніг пачынаючага фэнтэзі-аўтара Наталлі Андрасюк. Знаёмства з творамі для дзяцей «Блакітны крышталь» і «Залатыя манеты» адбылося ў адной з кнігарняў горада. Пабачыць творы, выпушчаныя ў серыі «Незвычайныя прыгоды Гаўвара і Кундаса», мог кожны ахвотны. Прэзентацыя прайшла ў рамках праекта «80 сустрэч з пісьменнікамі», арганізаванага выдавецтвам «Беларусь».
Лейтматывам выяўленчага мастацтва Беларусі першых пасляваенных дзесяцігоддзяў была, безумоўна, прага жыцця. Творцы апявалі мір, засяроджваючыся на тэмах стваральнай працы і кароткага каштоўнага адпачынку гараджаніна і вяскоўца. У ліку аўтараў, якія прысвяцілі сваю творчасць гэтаму кірунку, быў Адольф Гугель.
Арганізатары рэспубліканскага мастацкага конкурсу «Viva Kola Art», а гэта Беларускі саюз мастакоў, Беларуская федэрацыя веласіпеднага спорту і Веласіпедны клуб «Мінск», запрашаюць мастакоў да ўдзелу ў новым сезоне. Прыём заявак працягнецца да 23 верасня, а 28 кастрычніка ў Палацы мастацтва адкрыюць выстаўку па выніках творчага спаборніцтва. Партнёры праекта — Нацыянальны Алімпійскі камітэт, Беларускі саюз архітэктараў, Федэрацыя хакея ды іншыя.
