Чатырохдзённая рабочая паездка кіраўніка дзяржавы ў Гомельскую вобласць стала цэнтральнай падзеяй мінулага і гэтага тыдняў. Аляксандр Лукашэнка наведаў тры раёны — Мазырскі, Петрыкаўскі і Нараўлянскі, дзе на прыкладзе канкрэтных аб’ектаў вывучалася сітуацыя ў сельскай гаспадарцы, прамысловасці, сацыяльнай сферы, у цэлым у эканоміцы. Абмяркоўваліся як прынцыпова важныя пытанні для Прыпяцкага Палесся, так і тое, што датычыцца ўсёй краіны.

Сярод мноства відэасюжэтаў, якія апублікаваныя ў папулярнай сацсетцы TіkTok, мы звярнулі ўвагу на той, дзе ўзнімаецца праблема складанасці трапіць на могілкі, што адносяцца да вёсак Слабуты і Сарочына Крычаўскага раёна Магілёўскай вобласці. 

Вольха, ляшчына, а якраз цяпер цвіце бяроза — самы галоўны мучыцель алергікаў. За ёй рушаць злакі, пустазелле, а ў дадатак узмацняць пакуты будуць споры плесневых грыбоў, якія прысутнічаюць у паветры. Лічыцца, што на пылок раслін рэагуе да 20 % людзей. Як не зблытаць паліноз са звычайнай прастудай і ці можна яго вылечыць, расказвае старшы выкладчык кафедры педыятрыі Інстытута перападрыхтоўкі і павышэння кваліфікацыі кадраў аховы здароўя Беларускага дзяржаўнага медыцынскага ўніверсітэта, урач-алерголаг-імунолаг, урач-педыятр Юлія ЗАЙЦАВА.

У гаспадарках Гомельшчыны пад галоўную кармавую культуру — кукурузу — у гэтым сельскагаспадарчым сезоне адводзяць каля 300 тысяч гектараў, з іх больш за 90 тысяч — на зерне. Каля 30 % будучага ўраджаю «каралевы палёў» плануюць адправіць на плюшчэнне. Працуюць цяпер аграрыі на сяўбе гэтай культуры з улікам умоў надвор’я, аднак тэмп не спыняюць і імкнуцца выконваць усе неабходныя работы ў аптымальна тэхналагічныя тэрміны. Гэта вельмі важна, бо адаб’ецца на ўраджайнасці, а як вынік — і на поспехах у жывёлагадоўлі. За працэсам сяўбы карэспандэнт «Звязды» назірала ў КСУП «Дземяхоўскае» Рэчыцкага раёна.

Вынікі стажыроўкі кадравага рэзерву Міністэрства прамысловасці на вядучых беларускіх холдынгах, арганізаванай галіновым інстытутам «Кадры індустрыі», падводзіў асабіста кіраўнік ведамства Андрэй Кузняцоў. Зрэшты, як ён адзначыў, вучоба дзеля вучобы нікому не патрэбна. Веды неабходныя для дасягнення выніку. Ключавым паказчыкам работы прадпрыемства з’яўляюцца продажы, іх рэнтабельнасць і дынаміка. Попыт на прадукцыю і ўзровень цаны, якую гатовы за яе плаціць спажывец, з’яўляюцца, фактычна, агрэгаванымі паказчыкамі дзейнасці кампаніі.