Сеткавае выданне zviazda.by

З аднаго боку, медыкі вельмі занепакоены сучаснай пандэміяй атлусцення. З другога боку — трэнд на ідэальнае цела і «лепшую версію сябе» таксама часта абарочваецца вялікімі рызыкамі для арганізма і разглядаецца ўрачамі як сур’ёзная праблема.

Прафілактыка — справа важная

У 4-й гарадской клінічнай бальніцы імя М.Я. Саўчанкі ў Мінску з пачатку года было выканана больш за 12 820 аперацый, з іх звыш 5 тысяч — уралагічныя. Пры гэтым колькасць складаных і высокатэхналагічных аперацый дасягнула практычна 30 %. А ў цэлым у айчыннай уралогіі адзначаюць значны прагрэс. Больш падрабязна аб сучасных падыходах і тэхналагічных рашэннях у лячэнні хвароб нырак і мочавыводзячых шляхоў, якія выкарыстоўваюцца ў гэтай установе аховы здароўя, расказалі журналістам падчас прэс-тура. Пабывала ў ім і карэспандэнт «Звязды».

Традыцыйна сярод фактараў, якія выклікаюць анкалогію, называецца і харчаванне. Але якім чынам яно звязанае з развіццём пухлін? Якія асаблівасці харчавання могуць правакаваць хваробу, а якія, наадварот, змяншаць яе верагоднасць? Ці сапраўды ёсць прадукты, якія служаць гарантаванай абаронай супраць анкалогіі? Наконт гэтага існуе столькі супярэчлівай інфармацыі, што самастойна ў ёй складана разабрацца. Дапамагчы ў гэтым я папрасіла галоўнага навуковага супрацоўніка лабараторыі рэканструкцыйна-аднаўленчай хірургіі і анкамамалогіі РНПЦ АМР імя М. М. Аляксандрава, доктара медыцынскіх навук, прафесара Ніну АХМЕД.

Жанчынам, якія мараць стаць мамамі, у нашай краіне аказваецца ўсебаковая дзяржаўная падтрымка і прадастаўляецца шырокі спектр даступнай медыцынскай дапамогі. Прынамсі, працэдуру ЭКА цяпер двойчы можна зрабіць бясплатна. Калі будучым бацькам варта звяртацца па дапамогу да спецыялістаў, расказалі ў РНПЦ «Маці і дзіця».

Праблема спажывання дзецьмі і падлеткамі прадукцыі, якая ўтрымлівае нікацін, выклікае сур’ёзную занепакоенасць не толькі ў бацькоў, але і ў педагогаў, медработнікаў і заканадаўцаў. У гэтай сувязі ў нашай краіне на пастаяннай аснове вядзецца сістэмная работа па зніжэнні распаўсюджанасці дадзенай шкоднай звычкі ў маладзёжным асяроддзі: удасканальваецца нарматыўная база, абмяжоўваецца даступнасць тытунёвых вырабаў і электронных сістэм курэння, узмацняецца асветніцкая дзейнасць ва ўстановах адукацыі. Як прафілактаваць у падлетка шкодную звычку і якую шкоду нясуць электронныя прылады для курэння, расказалі эксперты.

Кашаль, сверб, ацёкі — усё гэта сімптомы алергіі, якая праяўляецца заўсёды ў непатрэбны час і прымушае сутыкнуцца з шэрагам нязручнасцяў. Ці можна ад захворвання пазбавіцца назаўсёды? Куды звяртацца для праходжання алерген-спецыфічнай імунатэрапіі? Якія прэпараты лепш заўсёды мець пры сабе ў дамашняй аптэчцы? Адказы на гэтыя пытанні далі спецыялісты. 

Развіццё персаналізаванай медыцыны — сістэмы, дзе пацыент атрымлівае не ўсярэдненае лячэнне, а тэрапію, падабраную з улікам яго індывідуальных асаблівасцяў, а таксама прафілактыка спадчынных захворванняў, вывучэнне механізмаў развіцця злаякасных пухлін, генетычнае забеспячэнне харчовай бяспекі, кантроль за ГМА, бяспекай прадуктаў, вакцын і лекаў — гэта толькі невялікі пералік задач, над якімі сёння працуюць генетыкі. Што датычыцца медыцыны, то сучасная генетыка трансфармуе яе, робіць упор на прадухіленне і лячэнне хвароб на малекулярным узроўні.

Вольха, ляшчына, а якраз цяпер цвіце бяроза — самы галоўны мучыцель алергікаў. За ёй рушаць злакі, пустазелле, а ў дадатак узмацняць пакуты будуць споры плесневых грыбоў, якія прысутнічаюць у паветры. Лічыцца, што на пылок раслін рэагуе да 20 % людзей. Як не зблытаць паліноз са звычайнай прастудай і ці можна яго вылечыць, расказвае старшы выкладчык кафедры педыятрыі Інстытута перападрыхтоўкі і павышэння кваліфікацыі кадраў аховы здароўя Беларускага дзяржаўнага медыцынскага ўніверсітэта, урач-алерголаг-імунолаг, урач-педыятр Юлія ЗАЙЦАВА.

Што трэба ведаць і як прыняць удзел?