Сеткавае выданне zviazda.by

Аляксандр Лукашэнка падкрэсліў, што сабраў гэтую нараду для таго, каб абмеркаваць, наколькі эфектыўна расходуюцца сродкі на развіццё спорту, і ў прыватнасці гульнявых відаў. «Таму што гэта наша ўсё, гэта тое, што любіць народ і тысячы-тысячы чалавек прыходзяць на гэтыя гульні», — сказаў ён. Кіраўнік дзяржавы заўважыў, што неабходнасць абмеркавання дадзенай праблемы наспела даўно. «Мы, канешне, выпрацавалі пэўную сістэму падтрымкі каманд, трэнераў, спартсменаў. Нам трэба з улікам нашага досведу і выпрацоўкі тых кірункаў нашага супрацоўніцтва адкінуць усё непатрэбнае і вызначыцца, як будзем жыць далей», — задаў тон нарады беларускі лідар.

Перамога тыдня. Беларуская тэнісістка Арына Сабаленка ўпершыню ў кар’еры выйграла турнір катэгорыі WTA-1000 у амерыканскім Маямі з прызавым фондам 8,9 мільёна долараў. У вырашальным паядынку першая ракетка планеты перамагла амерыканскую тэнісістку Джэсіку Пегулу з лікам 7:5, 6:2. Сустрэча працягвалася 1 гадзіну 29 хвілін.

Героі тыдня. Хакеісты «Дынама-Мінск» упершыню ў гісторыі пачнуць выступленне ў першым раўндзе плэй-оф Кантынентальнай хакейнай лігі на дамашнім лёдзе. У заключным матчы рэгулярнага чэмпіянату «зубры» на выездзе сустракаліся з «Сочы». Вынік матча 6:2 — на карысць мінскіх хакеістаў. Такім чынам, за 68 тураў мінчане набралі 86 ачкоў і занялі чацвёртую пазіцыю ў табліцы Заходняй канферэнцыі. Першым сапернікам «Дынама-Мінск» у першым раўндзе Кубка Гагарына стане маскоўскі ЦСКА, які фінішаваў пятым. Каманды сустрэнуцца на «Мінск-арэне» 26 і 28 сакавіка. Далей каманды пераедуць у Маскву, дзе сустрэнуцца 30 сакавіка і 1 красавіка. Пры неабходнасці матчы з пятага да сёмага адбудуцца 3 красавіка (Мінск), 5 красавіка (Масква) і 7 красавіка (Мінск).

Здаецца, для іх няма нічога немагчымага. Ім падуладныя нават самыя суровыя і экстрэмальныя ўмовы. Каманда «МАЗ-СПОРТаўта» сёлета адзначае сваё 15-годдзе. За гэты час адбылося столькі сітуацый, што хапіла б на сапраўдны трылер. Гэта быў бы фільм пра пераадоленне цяжкасцяў, моцнае мужчынскае сяброўства, патрыятызм. Гэта мог бы быць фільм аб тым, як людзі становяцца адзіным цэлым са сваімі аўтамабілямі. Зусім хутка пачнецца чарговы сезон гэтага трылера — першая гонка ўжо ў красавіку стане падрыхтоўкай да асноўнага ралі-рэйду «Шаўковы шлях». А пакуль з начальнікам «МАЗ-СПОРТаўта» Сяргеем Вязовічам разбіраліся, што застаецца за кадрам гэтага трылера і хто яго галоўныя героі.

У сусветным спорце — перамены. Кардынальныя ці не, пакажа час. Але значныя і нават гістарычныя — гэта адназначна. У чацвер, падчас 144-й сесіі Міжнароднага алімпійскага камітэта прайшлі выбары новага прэзідэнта гэтай арганізацыі. У першым туры, набраўшы 49 галасоў, перамагла прадстаўніца Зімбабвэ Кірсці Ковентры.

Перамога тыдня. Уладзіслаў Казлоў выйграў маладзёжны чэмпіянат Еўропы па барацьбе, які праходзіць у Албаніі. Беларускі спартсмен стаў пераможцам у вагавой катэгорыі да 87 кг у вольнай барацьбе. Пакуль гэта адзіны медаль беларускай каманды на маладзёжным чэмпіянаце Еўропы. 12 сакавіка на дыван выйдуць барцы грэка-рымскага стылю.

Беларуска Аліна Рэчкіна стала прызёрам міжнароднага турніру па мастацкай гімнастыцы «Кубак Басфора»​, паведамілі БелТА ў прэс-службе БАГ.

Хакейны клуб «Дынама-Мінск» прама зараз стварае сваю непаўторную гісторыю на лёдзе. Восем матчаў запар на выяздзе і дома «зубры» не пакідаюць сваім сапернікамі шанцаў на перамогу. Кожны матч — непаўторны і непрадказальны. У кожнай гульні свае героі. А тым часам да заканчэння рэгулярнага чэмпіянату застаецца менш за месяц. Заўчасна «Дынама-Мінск» аформіла і выхад у плэй-оф. Гісторыя, якую хочацца зафіксаваць і запомніць.

Прызнанне праблемы — першы крок да яе вырашэння. На нядаўнім пасяджэнні выканкама Беларускай федэрацыі гандбола абмяркоўвалі самыя балючыя пытанні. Бравіраваць дасягненнямі і дакладваць аб поспехах спецыялісты БФГ не прывыклі, таму і размова была адкрытая і прынцыповая. Гэта ўжо традыцыя гандбольных выканкамаў. Захавалі і яшчэ традыцыю — праводзіць пасяджэнні ў знакавых месцах. Гэтым разам выканкам федэрацыі гандбола прымаў Мінскі аўтамабільны завод.

Гераіня тыдня. Беларуская спартсменка Васіліна Хандошка заваявала два медалі этапа Кубка свету па сінхронным плаванні ў Парыжы. Яе тэхнічную праграму суддзі ацанілі на 235,7242 бала, што прынесла Васіліне бронзавы медаль. У адвольнай праграме салістак з адзнакай 200,0726 бала беларуска заняла другое месца.