Сеткавае выданне zviazda.by

Навуковыя фантасты звычайна палохаюць нас паўстаннем машын. Тэарэтычна заўсёды ёсць верагоднасць выхаду электронных прылад з падпарадкавання. Сучасны аўтамабіль, які забяспечаны шматлікімі мікрасхемамі, можа выйсці з падпарадкавання праз некарэктную работу мікрачыпаў, памылкі ў праграмным забеспячэнні або злосныя выхадкі хакераў. «Разумныя» дамы таксама далёка не заўсёды паводзяць сябе так, як трэба было б. 

Аграгарадок Новыя Саматэвічы ў Касцюковіцкім раёне Магілёўскай вобласці — адзін з перспектыўных. Да райцэнтра — усяго 8 кіламетраў. Тут жыве больш як 800 чалавек. І сярод іх — сям’я Аляксандры і Ільі Сікорскіх. Сёлета яна прызнана найлепшай у праекце, накіраваным на падтрымку маладых сем’яў, якія жывуць і працуюць у сельскай мясцовасці. Вынікі конкурсу традыцыйна падводзіліся на купальскім свяце ў Александрыі. У госці да пераможцаў завітала карэспандэнт «Звязды».

У Беларусі рэалізуюць пілотны праект па частковай кампенсацыі транспартна-лагістычных выдаткаў пры экспарце харчовай прадукцыі. Адпаведную пастанову падпісаў Прэм’ер-міністр Аляксандр Турчын, паведамілі БелТА ў прэс-службе ўрада.

Вытворчасць высокафункцыянальнай пражы новага пакалення рыхтуецца да запуску ў Слоніме, паведамілі БелТА ў прэс-службе канцэрна «Беллегпрам».

Доля продажу айчынных тавараў за першае паўгоддзе склала 53,3 %. Шчыра скажам, крыху не той паказчык, да якога мы імкнёмся. Аднак трэба адзначыць: ёсць аб’ектыўныя перадумовы для росту імпарту ў нашым спажывецкім кошыку. Зарплаты растуць (і ў намінальным, і ў натуральным выражэнні), беларусы пачынаюць купляць больш садавіны, рыбы. А мы — дзяржава не марская. Ды і клімат не дазваляе вырошчваць тыя ж цытрусавыя ці па ўраджайнасці чарэшні сапернічаць з Малдовай, Узбекістанам ці Турцыяй. Іншае пытанне, што існуюць таварныя катэгорыі, у якіх у нас фактычна ўсё ёсць для поўнага дамінавання на паліцах.

Беларусь і Узбекістан абмеркавалі графік узаемных візітаў і мерапрыемстваў на бліжэйшую перспектыву. Аб гэтым ішла размова на сустрэчы 4 жніўня намесніка міністра замежных спраў Беларусі Паўла Уцюпіна з Надзвычайным і Паўнамоцным Паслом Узбекістана ў Беларусі Нурыдзінам Мамажонавым. Аб гэтым паведамілі ў беларускім знешнепалітычным ведамстве.

80 % беларусаў прызнаюць неабходнасць кантролю асабістых фінансаў, але толькі кожны восьмы вядзе іх сістэмны ўлік. У гэтым і тоіцца небяспека патраціць больш за тое, што планавалі. У эру лічбавізацыі, калі распараджацца зберажэннямі можна проста з канапы, высокая рызыка страціць грошы ў адзін клік. Як навучыцца правільна кіраваць асабістым і карпаратыўным бюджэтамі? І чаму асновы фінансавай асветы варта прывіваць з дзяцінства? Гэтыя пытанні абмеркавалі эксперты на пляцоўцы тэлеканала «Першы інфармацыйны».

Я хачу падзяліцца ўражаннямі ад паходаў па родным краі, ад сустрэчы з чалавекам, на долю якога выпалі цяжкія выпрабаванні. Сёння я ўжо студэнт Івацэвіцкага дзяржаўнага аграрнага каледжа. Але ўражанні ад тых сустрэч, якія атрымаў падчас школьных паходаў, упэўнены, пранясу праз усё жыццё. 

Беларускі калектыў Minsk House выйграў першы матч турніру па тактычнай стральбе на Гульнях Будучыні, якія праходзяць у Астане, паведамляе БелТА.

Беларуская тэнісістка Арына Сабаленка паспяхова правяла стартавы паядынак турніру WTA-1000 у канадскім Таронта з прызавым фондам $7,4 млн, паведамляе БелТА.