Сеткавае выданне zviazda.by

Беларускія фрыстайлісткі заваявалі два медалі на заключным этапе Кубка Расіі па лыжнай акрабатыцы, паведамляе БелТА.

Мінск прымае Кубак мацнейшых па канькабежным спорце. 30 найлепшых беларускіх і 30 расійскіх спартсменаў на працягу трох дзён будуць паказваць сваё майстэрства і здзіўляць хуткасцямі. Арганізатары абяцаюць не толькі захапляльныя спаборніцтвы, але і яркае шоу. Даведаліся падрабязнасці.

Турнір тыдня. У «Раўбічах» завяршыўся галоўны старт сезона-2024/25 для беларускіх біятланістаў — Кубак мацнейшых спартсменаў. На дамашнім старце беларусы заваявалі 12 медалёў — па чатыры кожнай вартасці. Тры залатыя медалі сабраў Антон Смольскі, ён перамог у спрынце, пасьюце і мас-старце. Дзінара Смольская заваявала «серабро» ў спрынце і гонцы пераследавання. Дзмітрый Лазоўскі заняў другое месца ў мас-старце. Ілья Аўсеенка заняў трэцяе месца ў спрынтарскай гонцы, Сцяпан Данілаў — у гонцы пераследавання, Ірына Шаклеіна — у мас-старце. Акрамя таго, сямейны дуэт Дзінары і Антона Смольскіх перамог у сінгл-міксце, а Ганна Сола і Ілья Аўсеенка сталі ў гэтым відзе праграмы другімі. Гэтая чацвёрка таксама заняла трэцяе месца па выніках змешанай эстафеты. З такім выдатным выступленнем нашу каманду павіншаваў кіраўнік дзяржавы.

Беларус Антон Смольскі стаў пераможцам заключнай гонкі на Кубку мацнейшых спартсменаў па біятлону ў «Раўбічах», паведамляе БелТА.

Беларускія плыўцы Аліна Змушко і Іван Шамшурын атрымалі перамогі на першым этапе Кубка Расіі па плаванні, які праходзіць у Калінінградзе, паведамляе БелТА.

Беларускія дзяўчаты могуць усё. Яны здольныя нават на тое, што раней лічылася прэрагатывай сапраўдных мужчын. Маецца на ўвазе хакей. Жаночы хакей у нашай краіне набірае абароты з неверагоднай хуткасцю. І гэта вельмі красамоўна пацвердзіў Сусветны жаночы хакейны матч, які прайшоў у «Мінск-арэне».

«Мы ўсе родам з самба», — часта паўтарае Уладзімір Япрынцаў, трохразовы чэмпіён свету і чатырохразовы Еўропы, заслужаны трэнер Рэспублікі Беларусь, член выканкама Міжнароднай федэрацыі самба. За 100 гадоў свайго развіцця самба паспела сабраць пул моцных спартсменаў, чые прозвішчы вядомыя не толькі ў спартыўным свеце; абзавесціся войскам прыхільнікаў і сфарміраваць сваю ўнікальную філасофію. Прыводзіць прыклады з гісторыі можна доўга. Наглядным прыкладам з сучаснасці з’явіўся нядаўні міжнародны турнір па самба на прызы Прэзідэнта, які прайшоў у Мінску. Ён жа і стаў выдатнай нагодай разам з Уладзімірам Япрынцавым лепш даведацца пра гэты няпросты, але вельмі цікавы свет.

Героі тыдня. У Рэспубліканскім цэнтры алімпійскай падрыхтоўкі па зімовых відах спорту стартавалі міжнародныя спаборніцтвы па біятлоне «Кубак мацнейшых». З першых дзён турніру клас паказваюць і беларускія біятланісты. Дзінара Смольская заваявала сярэбраны медаль у спрынтарскай гонцы, у гонцы праследавання. Антон Смольскі выйграў спрынт. Яшчэ адзін беларускі спартсмен Ілья Аўсеенка стаў бронзавым прызёрам гэтай гонкі. Першым Антон Смольскі фінішыраваў і ў гонцы праследавання. Беларус Сцяпан Данілаў — на трэцім месцы.

Беларускія грацыі заваявалі шэсць узнагарод міжнароднага турніру па мастацкай гімнастыцы Gracia Cup, які праходзіў у сталіцы Венгрыі Будапешце, паведамілі ў прэс-службе Беларускай асацыяцыі гімнастыкі.

Беларуская біятланістка Дзінара Смольская стала прызёрам у спрынце на Кубку мацнейшых спартсменаў у «Раўбічах», паведамляе БелТА.