Сеткавае выданне zviazda.by

У чацвер Прэзідэнт Беларусі Аляксандр Лукашэнка з рабочай паездкай наведаў Верхнядзвінскі раён Віцебскай вобласці. Тут, на самай поўначы краіны, кіраўнік дзяржавы азнаёміўся з сучасным комплексам па ўтрыманні і адкорме буйной рагатай жывёлы сельгаспрадпрыемства «Чырвоны Бор Агра». Акрамя таго, у цэнтры ўвагі беларускага лідара — пытанні развіцця Віцебскай вобласці, сфера АПК, а таксама работа мясаперапрацоўчага цэха. Фінальным акордам гэтага дня стала жывая і, як заўсёды, шчырая размова Прэзідэнта з мясцовымі людзьмі.

У паўночным рэгіёне сёлета пасяўныя плошчы кукурузы на зерне павялічаны ўдвая, з 15 тыс. да 30 тыс. гектараў. Мэта — стварэнне трывалай кармавой базы для жывёлагадоўлі. На пачатку 2020-х гадоў плошчы царыцы палёў на зерне складалі не больш за 8-9 тыс. гектараў. Аграрыі не рызыкавалі пашыраць іх, баючыся, што кукуруза можа не даспець з-за халаднейшага клімату. Цяпер вырошчванне гэтай культуры становіцца ўсё больш папулярным. Акрамя таго, што яна ў параўнанні са збожжавымі мае найвышэйшую энергетычную каштоўнасць, яшчэ дае і значна большую ўраджайнасць.

Супрацоўнікі наркакантролю Віцебскай вобласці пры падтрымцы байцоў АМАПа затрымалі 41-гадовага жыхара Магілёўскай вобласці, які перавозіў марыхуану. Пра гэта БелТА паведамілі ў МУС.