Сеткавае выданне zviazda.by

«Дарагія жанчыны! Сардэчна віншую вас з самым выдатным вясновым святам — 8 сакавіка! Гэты дзень з’яўляецца асаблівай датай у календары беларусаў, ён напоўнены глыбокай павагай і прызнаннем выключна важнай ролі жанчын у грамадстве. У гэты дзень мы дзякуем нашых мілых дам, любімых маці і бабуль, сясцёр і дочак за мудрасць і цярпенне, клопат і дабрыню, душэўную цеплыню і пяшчоту».

У гэты чацвер у Савеце Рэспублікі было сапраўды шматлюдна. Для жанчын-ваеннаслужачых 3-й асобнай Чырванасцяжнай брыгады спецыяльнага прызначэння вайсковай часці 3214 была арганізавана экскурсія па будынку Савета Рэспублікі, падчас якой прыгожая палова азнаёмілася з кірункамі дзейнасці палаты парламента. Затым Старшыня Савета Рэспублікі Наталля Качанава ў фармаце дыялогавай пляцоўкі правяла сустрэчу з жанчынамі, павіншавала іх з надыходзячым святам і расказала аб рабоце заканадаўцаў, шырокім спектры кірункаў дзейнасці сенатараў, рабоце са зваротамі грамадзян і многім іншым.

Матчына праца часта застаецца незаўважанай у паўсядзённай мітусні, але толькі не з боку дзяржавы. Вось і напярэдадні Міжнароднага жаночага дню 31 шматдзетная мама з 14 раёнаў Мінскай вобласці атрымала ордэны Маці. Заслужаную ўзнагароду жыхаркам рэгіёна ўручыў старшыня Мінскага аблвыканкама Аляксандр Турчын. Урачыстая цырымонія прайшла ў Палацы Рэспублікі.

Цэнтральны рэгіён і сталіца на першых пазіцыях фактычна па ўсіх паказчыках сацыяльна-эканамічнага развіцця ўжо не першы год. Мінулы 2024-ы не стаў выключэннем: Мінск і Мінская вобласць, як стала вядома падчас падвядзення вынікаў, сваё лідарства саступаць не збіраюцца.

Па выніках 2024 года Мінскам былі выкананы ўсе мэтавыя паказчыкі, устаноўленыя пастановай Савета Міністраў. Старшыня Мінскага гарвыканкама Уладзімір Кухараў адзначыў: «Сёння можна з упэўненасцю сказаць, што мы справіліся з пастаўленымі задачамі». Мэр Мінска падкрэсліў, што па выніках года ў поўным аб’ёме было забяспечана выкананне бюджэту: «Гэта дазволіла вырашыць усе сацыяльна-эканамічныя пытанні, якія стаялі. Бюджэт Мінска — сацыяльны. Больш за 55 % накіроўваецца на сацыяльную сферу. У будаўнічай галіне забяспечана рашэнне задач, якія датычацца будаўніцтва жылля для маючых патрэбу, для шматдзетных і іншых катэгорый грамадзян. Жыллёва-камунальная гаспадарка таксама забяспечыла выкананне ўсіх задач, якія стаялі. Гэта і капітальны рамонт, і рамонт дарожнага палатна, і іншых напрамкаў».

У Мінскай вобласці ўжо стала добрай традыцыяй кожны год узводзіць мінімум адзін дом для супрацоўнікаў органаў унутраных спраў. Не стаў выключэннем і цяперашні — утульная 11-павярхоўка на вуліцы Васільковай у аграгарадку Сеніца Мінскага раёна сёння прыняла навасёлаў. 217 сем’яў супрацоўнікаў органаў унутраных спраў цэнтральнага рэгіёна атрымалі ключы ад уласных кватэр. Павіншаваць людзей з такой падзеяй прыехалі старшыня Мінскага аблвыканкама Аляксандр Турчын і міністр унутраных спраў генерал-лейтэнант міліцыі Іван Кубракоў.

Афіцэрская дынастыя Руткевічаў налічвае тры пакаленні, на падыходзе — і чацвёртае. Напярэдадні прафесійнага свята карэспандэнты «Звязды» сустрэліся з бацькам Уладзімірам і сынам Сяргеем Руткевічамі. Яны падрабязна расказалі пра сваю службу, няпросты шлях да вялікіх пагонаў, а таксама пра тое, што паўплывала на іх прафесійны выбар.

У панядзелак члены Савета Рэспублікі правялі адзіны дзень прыёму грамадзян у Мінскай вобласці. Старшыня Савета Рэспублікі Наталля Качанава вяла прыём у Барысаве. Праблемы, з якімі звярталіся людзі да кіраўніка Савета Рэспублікі, самыя разнастайныя. Жыхароў цэнтральнага рэгіёна і не толькі хвалююць пытанні прызначэння пенсій, стан дарог, добраўпарадкаванне населеных пунктаў, жыллёвыя праблемы і многае іншае.

Яшчэ некалькі тыдняў — і пачнецца актыўны дачны сезон. Клопат не толькі саміх шчаслівых уладальнікаў лецішчаў, але і мясцовых сельсаветаў, на тэрыторыі якіх гэтыя лецішчы, дакладней садаводчыя таварыствы, знаходзяцца. Бо садаводчае таварыства — гэта не вёска і не пасёлак, гэта, так бы мовіць, «дзяржава ў дзяржаве», бо сельсавету яно фактычна не падпарадкоўваецца. У апошні час паўнамоцтвы мясцовай улады адносна садаводчых таварыстваў былі значна пашыраныя, але дасягнуць беспраблемнага суіснавання ўдаецца не заўсёды. Мы пацікавіліся непасрэдна ў старшынь сельсаветаў у розных рэгіёнах, як ім удаецца наладжваць кантакт з дачнікамі, якія нібыта і свае, а нібыта і не.

Калі гаварыць аб якасці, праверанай часам, першае, што прыходзіць на думку, напэўна, кожнаму беларусу, — Мінскі трактарны завод. Прадпрыемства з багатай гісторыяй, МТЗ сёння з’яўляецца флагманам айчыннага машынабудавання, адным з лідараў на рынках Беларусі, Расіі і іншых краін СНД па вытворчасці сельскагаспадарчай тэхнікі. Аб аўтарытэце і даверы да прадукцыі прадпрыемства гаворыць мноства ўзнагарод, сярод якіх і Дзяржаўны знак якасці Беларусі. Карэспандэнты «Звязды» наведалі МТЗ, пабывалі ў цэхах завода і пастараліся высветліць, у чым сакрэт вытворчасці трактара BELARUS; даведацца, з чаго пачынаецца якасць.