Сеткавае выданне zviazda.by

З надыходам летняга сезона тысячы беларусаў адпраўляюцца на берагі азёр, рэк і вадасховішчаў. Каб адпачынак быў не толькі прыемным, але і бяспечным, штогод вялікая работа праводзіцца Рэспубліканскім дзяржаўна-грамадскім аб’яднаннем «Беларускае рэспубліканскае таварыства ратавання на водах» (АСВОД), а таксама мясцовымі органамі ўлады і іншымі зацікаўленымі службамі.

Фестываль «Настрой — лета» ў Мінску адкрыецца 5 чэрвеня. Ён павінен быў пачацца яшчэ 30 мая, але мерапрыемствы адмянілі з-за надвор’я.

Прамыя тэлефонныя лініі наконт працоўнай занятасці навучэнскай моладзі ў летні перыяд пачнуць працаваць ва ўсіх рэгіёнах Беларусі з 26 мая. Аб гэтым паведаміла БелТА са спасылкай на прэс-службу Міністэрства працы і сацыяльнай абароны.

З набліжэннем летняй аздараўленчай кампаніі прафсаюзы Беларусі традыцыйна падключаюцца да работы па ацэнцы гатоўнасці дзіцячых аздараўленчых лагераў і цэнтраў да прыёму дзяцей. Галоўная задача — дапамагчы ўстановам своечасова звярнуць увагу на магчымыя слабыя месцы, каб ужо непасрэдна да адкрыцця сезону ўмовы былі бяспечнымі і камфортнымі як для адпачынку дзяцей, так і для працы супрацоўнікаў установы.

Летняя аздараўленчая кампанія абяцае быць гарачай — свабодных месцаў у айчынных санаторыях ужо практычна няма. Пуцёўкі забраніраваны або выкуплены на больш чым 95 %, таму на дадзены момант выбар невялікі. Што датычыцца цэн, то дзень знаходжання ў стандартным двухмесным нумары ў другім квартале (ён захоплівае чэрвень) складзе ў сярэднім каля 145 рублёў у суткі. Аднак трэба ўлічваць, што ў летні перыяд — самы высокі попыт, таму цэны будуць вышэйшыя. Па прагнозах, летам у беларускіх установах пройдуць аздараўленне і лячэнне каля 600 тысяч чалавек.

Стаўка на загарадныя лагеры і бясплатнае суправаджэнне для асобных катэгорый

Школьны год заканчваецца, а гэта значыць, што чарговай галоўнай тэмай абмеркавання ў сацсетках становіцца дзіцячы адпачынак. Як заўсёды, армія бацькоў падзяляецца на два лагеры — непрымірымых крытыкаў і людзей, здольных адэкватна ацэньваць рэальную сітуацыю: «Грошы на вецер, нічога там добрага няма!» — «Наадварот, грошы на вецер я выкінула, калі вырашыла не адпраўляць сына ў лагер, а ўзяла адпачынак і правяла яго разам з ім у горадзе: сродкаў выдаткавала значна больш, чым калі б купіла яму пуцёўку». — «Чула, што і пуцёўкі падаражэюць, і тэрмін знаходжання ў лагерах скароціцца». — «А я плачу грошы за тыя незабыўныя ўражанні дзяцінства, якія прывозіць з лагера маё дзіця — гэта каштуе любых сродкаў!..»