23 Верасень, нядзеля

Сеціва


СТАРОНКА ІМЯ ГЮНЕШ

На гэтым тыдні адна з самых яркіх артыстак беларускай эстрады адкрыла свой афіцыйны інтэрнэт-сайт па адрасе www.gunеsh.tv. На старонцы — поўны набор: біяграфія і дыскаграфія, фотаздымкі і відэазапісы, навіны і расклад найбліжэйшых выступленняў, кантакты і канцэртны райдар спявачкі, а таксама спасылкі на ўсе афіцыйныя групы Гюнеш у сацыяльных сетках. Ну і, зразумела, гасцявая «кніга водгукаў», якую адданыя прыхільнікі ўжо запоўнілі першымі падзякамі.

1381443842965_1

«Адмыслова для прыхільнікаў, якія часта звярталіся да нас з пытаннем, дзе можна знайсці тую ці іншую кампазіцыю, якая не ўвайшла ў альбомы альбо гучала толькі на канцэртах, мы стварылі раздзелы «Нявыдадзенае» і «Экстра», — расказала «Звяздзе» прэс-сакратарка спявачкі. — Там, напрыклад, змешчаны кавер-версіі сусветных хітоў, дуэты з іншымі выканаўцамі, песні на азербайджанскай, беларускай і рускай мовах. Усе іх свабодна можна спампаваць».
Сама ж старонка даступная на дзвюх мовах — рускай і англійскай. «Хацелася, каб інфармацыя была максімальна даступнай як для рускамоўнай публікі, так і для замежнікаў, — тлумачыць гэты выбар артыстка. — А ў будучыні, вельмі магчыма, у меню сайта з'явяцца беларуская і турэцкая мова».

ТЭЛЕВІЗАР У ІНТЭРНЭЦЕ

Тэлеканал АНТ запусціў адмысловую версію «ОNT.BY» для інтэрнэт-карыстальнікаў. Як абяцае прэс-служба канала, у віртуальнай версіі гледачам прапануюць не толькі аператыўныя навіны і сённяшнія найбольш рэйтынгавыя праекты, але таксама дакументальныя, музычныя, інфармацыйныя і забаўляльныя праграмы, створаныя на АНТ за ўсе 11 гадоў яго існавання.

1381443844163_2

У прыватнасці, з самай першай серыі ўжо даступны «Адваротны адлік», праекты «Подых планеты», «Дакументальны дэтэктыў», «Музычныя вечары ў Мірскім замку», «Эстрадны кактэйль», «Гонар нацыі», «Што? Дзе? Калі?» у Беларусі» ды іншыя. Ёсць і эксклюзіў ад творчай групы, як інтэрнэт-праект «Кругасветка» з Алегам Раманавым», на бліжэйшую будучыню запланаваны яшчэ некалькі праграм, створаных знарок для інтэрнэт-гледачоў. І ўсё гэта — кругласутачна, 7 дзён на тыдзень. «А на Оnlіnе.оnt.bу можна не толькі новы інтэрнэт-канал паглядзець, але і свежую тэлепраграму «пагартаць», і пакінуць свае прапановы, — дадае прэс-сакратарка АНТ Юлія Дубоўская. — Прычым уплываць на сетку вяшчання можа кожны карыстальнік — праз галасаванне на сайце».

Вікторыя ЦЕЛЯШУК

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.