30 верасня, серада

Мост


Мост. У народных уяўленнях мост быў сімвалам аб'яднання. Разам з тым лічылі, што мост, як пераход з аднаго берага на другі, аб'ядноўвае зямную прастору і прастору «таго» свету. Таму мост лічылі небяспечным месцам, звязвалі з небяспекай, якая чакае чалавека пры пераходзе на «тую», чужую, часам варожую, прастору. У ліку гаспадарчых пабудоў мост адносіўся да нежылых, а месца пад мостам і вакол яго лічылася прыстанішчам для нячыстай сілы.

  • На Беларусі лічылі, што той, хто жадаў стаць чараўніком, павінен прыйсці апоўначы на мост і сустрэцца з нячыстай сілай. Нездарма ў народзе казалі: «Каб цябе д'ябал пад мостам сустрэў».
  • Негатыўнае стаўленне да моста ўзнікла яшчэ і таму, што пры яго будаўніцтве неабходна было прынесці кагосьці ў ахвяру. Паўсюдна вядомы паданні аб тым, што часцей за ўсё ў якасці такога ахвяравання выступалі дзеці-сіроты або дзяўчаты.
  • Існавала забарона выходзіць на мост пасля захаду сонца, а таксама ў святочныя дні года, напрыклад, на Траецкім, або Русальным, тыдні. Па павер'ях усходніх славян, у гэты час русалкі з'яўляюцца менавіта на мастах і могуць нашкодзіць вандроўніку — сцягнуць у ваду, разгойдаць мост так, што чалавек сам зваліцца ў раку, і г.д.
  • Мост стаў рытуальным месцам пры лячэнні шматлікіх хвароб. Да моста вялі ці неслі чалавека, каб выканаць над ім магічныя дзеянні і «пакінуць», змыць (у літаральным сэнсе) хваробу на мосце ці пад мостам.
  • У казках герою прапаноўвалася адна з, здавалася б, невыканальных умоў — пабудаваць мост за адну ноч. У казках мост называлі калінавым, залатым, медным, сярэбраным. Бой з Цудам-Юдам зноў-такі адбываецца на мосце ці пад мостам. У летапісах беларускага, рускага ці ўкраінскага народа існуе шмат сюжэтаў, калі баі вяліся на мосце, які аб'ядноўваў два берагі ракі ці дзве дзяржавы.
  • Паводле вераванняў усходніх славян, вясёлка — гэта нябесны мост, які служыў анёлам: яны перапраўлялі па ім душы праведнікаў у рай.

Выбар рэдакцыі

Грамадства

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Зараз такой фабрыкі няма, але ёсць людзі, якія могуць згадаць гісторыю яе існавання.

Грамадства

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі. 

Грамадства

Злачыннае «паляванне». Як абаранiць сябе ад «аматараў чужой маёмасцi»?

Злачыннае «паляванне». Як абаранiць сябе ад «аматараў чужой маёмасцi»?

Валоданне нейкiмi рэчамi азначае i тое, што на iх могуць паквапiцца староннiя. Няма рознiцы, што гэта — мабiльны тэлефон, сумачка цi бензатрымер.