Учора ранкам у Нацыянальнай акадэміі навук былі ўшанаваны дыпломамі пераможцаў журналісты, якія пішуць на тэму навукі. У намінацыі «найлепшая публікацыя» прэміі конкурсу былі прысуджаны адразу дваім супрацоўнікам «Звязды» — рэдактару аддзела адукацыі Надзеі Нікалаевай і спецыяльнаму карэспандэнту аддзела навін і рэпартажаў Яраславу Лыскаўцу.
— Пра навуку піша вялікая група журналістаў, якія папулярызуюць нашу працу (а распрацоўкі ў нас проста прарыўныя). Гэта вельмі важна і для Акадэміі навук, і для грамадства. Мы заўсёды адкрыты для журналістаў, — адзначыў на ўрачыстай цырымоніі старшыня прэзідыума Нацыянальнай акадэміі навук акадэмік Уладзімір Гусакоў. — На конкурс было прадстаўлена больш за 90 работ 25 аўтараў. Кожная з вылучаных была адпраўлена камісіяй на экспертнае заключэнне спецыялістаў па тэматыцы работы, заключэнні экспертаў заслуханы на пасяджэнні камісіі па прысуджэнні прэмій, і канчатковае рашэнне было прынята на бюро прэзідыума Нацыянальнай акадэміі навук Беларусі. Адбор быў дастаткова жорсткім. І ў ліку пераможцаў апынуліся сапраўды самыя лепшыя публікацыі журналістаў.
Яшчэ раз віншуем калег з заслужанай узнагародай і зычым не спыняцца на дасягнутым!
Фота Сяргея НІКАНОВІЧА
Сумесныя праекты ядзерных тэхналогій.
