Вы тут

Супрацьстаяць пагрозам


Беларускія вайскоўцы ўдасканальвалі сваё майстэрства падчас вучэння АДКБ у Таджыкістане.

Сумеснае спецыяльнае вучэнне «Пошук-2016» з сіламі і сродкамі разведкі ўзброеных сіл дзяржаў — членаў Арганізацыі Дагавора аб калектыўнай бяспецы завяршылася ўчора ў Таджыкістане. У такім фармаце вучэнне праходзіла ўпершыню. Яго актыўнымі ўдзельнікамі сталі і ваеннаслужачыя беларускай арміі, якія прадставілі органы радыёэлектроннай, вайсковай і спецыяльнай разведкі.


Разам з вайскоўцамі з Расіі, Казахстана, Кыргызстана і Таджыкістана нашы армейцы правялі разведку ў гарах, адпрацавалі сумесныя дзеянні па захопе і знішчэнні аб'ектаў умоўнага праціўніка. Усяго ў маштабных манеўрах было задзейнічана каля паўтары тысячы ваеннаслужачых, акрамя таго, падраздзяленні армейскай, аператыўна-тактычнай і ваенна-транспартнай авіяцыі.

— Гэта першыя такія вучэнні ў рамках Арганізацыі Дагавора аб калектыўнай бяспецы, — падкрэсліў генеральны сакратар АДКБ Мікалай БАРДЗЮЖА. — Яны праводзяцца па рашэнні Савета міністраў абароны. Звязана гэта з неабходнасцю адпрацоўкі сістэмы разведкі, выяўлення, пошуку шматлікіх дыверсійных, тэрарыстычных груп, якія могуць трапіць на тэрыторыю нашых дзяржаў, і іх знішчэнне. Галоўныя задачы вучэння — адпрацоўка пытанняў кіравання сродкамі разведкі розных дзяржаў — членаў АДКБ, а таксама атрыманне спецпадраздзяленнямі ваеннай разведкі навыку для сумесных дзеянняў.

Як адзначыў міністр абароны Таджыкістана Шэралі МІРЗО, сітуацыя ў Цэнтральнаазіяцкім рэгіёне застаецца няпростай і будзе мець тэндэнцыю да абвастрэння. «Праява міжнароднага тэрарызму, які ўжо выходзіць за межы раз'яднаных груп і пераўтвараецца ў магутную ваенізаваную сілу, эскалацыя шматлікіх канфліктаў у непасрэднай блізкасці ад нашых межаў — гэта тыя рэаліі, з якімі мы сёння сутыкаемся і абавязаны змагацца, — заявіў генерал-лейтэнант. — Арганізаваць эфектыўную барацьбу і супрацьстаяць гэтым пагрозам можна толькі агульнымі скаардынаванымі намаганнямі».

 kanyuta@zvіazda.by

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.