Экскурсія ў мінулае газеты «Звязда», канцэрт спявачкі індыйскіх песень і шарж ад вядомага мастака — у прэзентацыйнай праграме нашага Выдавецкага дома на выстаўцы «СМІ ў Беларусі — 2016».
На форуме беларускіх СМІ, што пройдзе ў выставачным цэнтры «БелЭкспа» (пр-т Пераможцаў, 14) з 11 па 14 мая, самы «калючы» часопіс Выдавецкага дома «Вожык» прапануе наведвальнікам незвычайную акцыю. Кожны, хто падпішацца на гэты гумарыстычны часопіс, атрымае арыгінальны шарж-партрэт ад вядомага мастака Аляксандра Каршакевіча. Аформіць падпіску і атрымаць шарж можна з 11 па 13 мая з 13 да 14 гадзін. Таксама «Вожык» прапануе сваім прыхільнікам пазнаёміцца з іншымі вядомымі мастакамі — Мікалаем Гіргелем і Сяргеем Волкавым.
З 11 па 14 мая на стэндзе Выдавецкага дома будуць праходзіць аўтограф-сесіі нашых аўтараў, мультымедыяпрэзентацыі перыядычных выданняў — газет «Звязда» і «Літаратура і мастацтва», часопісаў «Полымя», «Бярозка», «Нёман», «Вожык», «Алеся», «Родная прырода». Хочаце пазнаёміцца з любімым журналістам, атрымаць аўтограф, зрабіць сэлфі? Завітвайце да нашага стэнда. Таксама будзе зладжаная экспазіцыя газеты «Звязда» з сімвалічнай назвай «І слова кавала перамогу».
А сапраўдным падарункам ад жаночага часопіса «Алеся» стане канцэрт адзінай у краіне спявачкі, якая выконвае індыйскія песні, Святланы Агарвал. Ён пройдзе на галоўнай сцэне выставачнага комплексу. Сачыце за праграмай і не прапусціце! Таксама чытачоў «Алесі» чакаюць прэзентацыя часопіса і віктарына з прызамі.
Запрашаем на сустрэчу сваіх сталых і новых чытачоў!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
