Вы тут

Акрэдытацыя — справа важная


Штогод 9 чэрвеня ў многіх краінах свету адзначаецца Сусветны дзень акрэдытацыі. У 2016 годзе ён праходзіць пад дэвізам «Акрэдытацыя: глабальны інструмент падтрымкі грамадскіх інтарэсаў».


Стандарты, ацэнка адпаведнасці і акрэдытацыя — рыначныя інструменты, якія актыўна выкарыстоўваюцца органамі дзяржкіравання для ўстанаўлення больш эфектыўнага рэгулявання ў асабліва важных для грамадства сферах: ахова здароўя, вытворчасць харчовай і прамысловай прадукцыі, будаўніцтва, ахова навакольнага асяроддзя, працы і г.д.

Беларусь мае сваю Нацыянальную сістэму акрэдытацыі, развівае і ўдасканальвае яе ў адпаведнасці з міжнароднымі патрабаваннямі і правіламі ў гэтай сферы дзейнасці. У рэестр сістэмы ўключана 2798 выпрабавальных, паверачных, калібровачных лабараторый, 116 органаў па сертыфікацыі прадукцыі, паслуг, сістэм менеджменту, персаналу і 2 інспекцыйныя органы.

Перад нацыянальным органам па акрэдытацыі — Беларускім дзяржаўным цэнтрам акрэдытацыі (БДЦА) — сёння стаіць задача ў магчыма кароткі тэрмін забяспечыць далучэнне нашай краіны да шматбаковых пагадненняў аб узаемным прызнанні. Гэтыя пагадненні спрыяюць ліквідацыі тэхнічных бар'ераў у гандлі, зніжаюць неабходнасць правядзення паўторных выпрабаванняў, інспекцый, сертыфікацыі і такім чынам спрыяюць змяншэнню затрат пры экспарце прадукцыі і павышэнню яе канкурэнтаздольнасці, — адзначылі ў прэс-службе Дзяржстандарта. Першы этап адпаведнай ацэнкі адбыўся ў пачатку 2016 года, зараз выконваюцца работы па ліквідацыі пазначаных экспертамі ЕА заўваг. У наступным годзе пройдзе другі этап ацэнкі.

Да Сусветнага дня акрэдытацыі ў нашай краіне пройдуць тэматычныя мерапрыемствы. Заўтра ў Нацыянальнай бібліятэцы Беларусі адбудзецца пятае пасяджэнне савета па акрэдытацыі Нацыянальнай сістэмы акрэдытацыі Рэспублікі Беларусь. Завершыць пасяджэнне савета цырымонія ўзнагароджання пераможцаў конкурсу «Кампетэнтнасць-2015», які праводзіцца БДЦА штогод з 2012 года.

Выбар рэдакцыі

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.

Культура

Гурт Іrdorath: Наш пасыл - быць сапраўднымі і свабоднымі

Гурт Іrdorath: Наш пасыл - быць сапраўднымі і свабоднымі

Прыклад гісторыі, калі талент сам прабівае сабе месца пад сонцам.

Палітыка

Топ-5 дасягненняў Беларусі ў міжнародных адносінах

Топ-5 дасягненняў Беларусі ў міжнародных адносінах

Гэта не пачатак кнігі-антыўтопіі або фантастычнага фільма пра будучыню нашай планеты.

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.