Вы тут

Карэспандэнт "Звязды" Вераніка Пуставіт атрымала "Дэбют"


Спецыяльны карэспандэнт газеты "Звязда" Вераніка Пуставіт атрымала ад Беларускага саюза журналістаў прэмію "Дэбют" у намінацыі "Лепшы аглядальнік". Адбылося гэта на V Форуме маладых журналістаў "Агульны погляд у будучыню. СМІ: маральнае вымярэнне".


“Мне вельмі прыемна, што прафесійнае журы так высока ацаніла маю працу ў журналістыцы, - каментуе журналістка. - Але я лічу, што перамогу атрымала авансам. Я адчуваю сябе карэспандэнтам, аглядальнік, на мой погляд, - гэта больш адказная справа. Але я буду імкнуцца да гэтага”.

Пераможцамі ў намінацыі "Лепшы фотакарэспандэнт, дызайнер" сталі фотакарэспандэнт рэдакцыі візуальнай інфармацыі БЕЛТА Кацярына Гараева і рэдактар аддзела вёрсткі і дызайну Ваўкавыскай раённай газеты "Наш час" Анастасія Мяркулава.

Спецыяльны карэспандэнт газеты "СБ. Беларусь сегодня" Святлана Ісаёнак і загадчыца аддзела лістоў і зваротаў грамадзян газеты "Івацэвіцкі веснік" Вольга Матвяеня прызнаны лепшымі рэпарцёрамі.

Рэдактар аддзела інфармацыйна-аналітычных праектаў радыёстанцыі "Мінская хваля" Кацярына Лапіцкая перамагла ў намінацыі "Лепшы радыёвядучы".

Арганізатарамі V форуму маладых журналістаў з'яўляюцца Міністэрства інфармацыі, Беларускі саюз журналістаў, Беларускі рэспубліканскі саюз моладзі пры падтрымцы Міністэрства культуры і Нацыянальнага мастацкага музея Беларусі. У цэнтры ўвагі ўдзельнікаў маральна-маральныя прынцыпы журналістыкі. 

Форум накіраваны на павышэнне кваліфікацыі моладзі, фарміраванне адзінай медыясупольнасці Беларусі. 

Агулам у Мінску сабраліся каля 150 карэспандэнтаў друкаваных выданняў, радыё і тэлебачання ва ўзросце да 30 гадоў. Таксама гасцямі форуму сталі аўтарытэтныя медыяэксперты.

Ілья Катусаў

Фота Сяргея Нікановіча.

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.