Першы этап Кубка свету пройдзе ў шведскім Эстэрсундзе, спаборніцкая праграма 27 лістапада адкрыецца змешанай эстафетай, а працягнецца індывідуальнымі гонкамі, спрынтам і праследаваннем.
Напярэдадні трэнеры зборнай назвалі склад, які выступіць на першым этапе. У жаночай камандзе на старт выйдуць Надзея Скардзіна, Ірына Крыўко, Надзея Пісарава, Анастасія Кінунен (Дубарэзава), Дар'я Юркевіч і Хрысціна Ільчанка. Мужчынскую частку каманды прадставяць Уладзімір Чапелін, Сяргей Бачарнікаў, Раман Елятноў, Юрый Лядаў і Максім Варабей.
Біятланісты, якія не трапілі ў асноўны склад, плануюць выступіць у Кубку ІBU ў нарвежскім Бейтасталене, дзе першыя гонкі адбудуцца яшчэ раней — 25 лістапада.
Нагадаем, што за два месяцы да старту сезона пасаду галоўнага трэнера зборнай Беларусі пакінуў расійскі спецыяліст Валерый Пальхоўскі, які ўзначаліў каманду ў маі. Яго месца ў экстраным парадку заняў вопытны айчынны настаўнік Юрый Альберс, які да гэтага адказваў у федэрацыі біятлона за правядзенне міжнародных і рэспубліканскіх спаборніцтваў.
Сёлетні сезон будзе складацца з дзевяці этапаў Кубка свету, якія завершацца ў сакавіку 2017 года, а таксама сусветнага першынства. Спартыўны тэлеканал краіны «Беларусь 5» плануе асвятляць усе гэтыя спаборніцтвы ў поўным аб'ёме. Прамыя трансляцыі біятлонных гонак стартуюць разам з адкрыццём сезона 27 лістапада. Кіраўніцтва канала адзначыла, што ўсе гонкі Кубка свету гледачы змогуць убачаць і ў паўторы — у вячэрнім эфіры, а таксама на наступны дзень.
Дар'я Лабажэвіч
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
