Вы тут

Нашы кампаніі ўдзельнічаюць у Індыйскай міжнароднай выставе-кірмашы


Больш за 50 айчынных кампаній прадстаўлены на 36-й Індыйскай міжнароднай выставе-кірмашы ў Нью-Дэлі.


Пяты Усебеларускі народны сход пастанавіў: адным з прыярытэтаў для развіцця нашай краіны ў цяперашнюю пяцігодку з'яўляецца экспарт. Удзел у індыйскай выставе дае магчымасць шэрагу нашых прадпрыемстваў заявіць пра сябе на рынку Паўднёвай Азіі яшчэ раз.

Іndіa Іnternatіonal Trade Faіr (ІІTF) — найбуйнейшая выстава ў Індыі, якая штогод збірае тысячы экспанентаў і больш за мільён наведвальнікаў. Гэта маштабная пляцоўка дасягненняў індыйскай эканомікі: свае павільёны прадстаўляюць розныя рэгіёны, найбуйнейшыя карпарацыі, дзяржаўныя органы. На выставе арганізуюцца нацыянальныя павільёны больш чым трыццаці краін свету. Традыцыйна яе адкрывае Прэзідэнт Індыі Пранаб Мукерджы. Асноўнай заяўленай тэмай ІІTF — 2016 з'яўляюцца лічбавыя тэхналогіі, на развіццё гэтага сектара эканомікі ўрад краіны ўскладае асаблівыя надзеі.

Як паведамілі «Звяздзе» ў прэс-службе выставачнага прадпрыемства «Белінтэрэкспа» Беларускай гандлёва-прамысловай палаты,нашым экспазіцыям надаецца вялікая ўвага падчас асвятлення мерапрыемства ў індыйскіх СМІ, а таксама падчас рэкламнай кампаніі. Пасол Рэспублікі Беларусь у Рэспубліцы Індыя Віталь Прыма быў запрошаны да ўдзелу ў галоўнай цырымоніі адкрыцця выставы.

Падчас выставы адбылося пасяджэнне Беларуска-Індыйскага Дзелавога савета, арганізаванага Беларускай гандлёва-прамысловай палатай і Федэрацыяй гандлёва-прамысловых палат Індыі пры падтрымцы пасольства Беларусі ў Індыі.

Асаблівай цікавасцю на індыйскай выставе карыстаецца стэнд Дзяржаўнага камітэта па навуцы і тэхналогіях Рэспублікі Беларусь, дзе прадстаўлены больш за 120 навукова-тэхнічных распрацовак. Многія з іх не маюць аналагаў у свеце.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Індусы выбіраюць... беларускае

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.