Сесія Парламенцкага сходу Саюза Беларусі і Расіі ўчора адкрылася ў Маскве і пачалася з хвіліны маўчання ў памяць пра ахвяр катастрофы самалёта Ту-154.
Нашу дэлегацыю ўзначаліў старшыня Палаты прадстаўнікоў Нацыянальнага сходу Уладзімір АНДРЭЙЧАНКА. Да пачатку работы сесіі ён сустрэўся са сваім калегам Вячаславам Валодзіным, старшынёй Дзярждумы Федэральнага сходу Расіі. Як паведаміла прэс-служба Палаты прадстаўнікоў, спікеры абмеркавалі арганізацыйныя пытанні 51-й сесіі саюзнага парламента, узгаднілі пазіцыі па найбольш важных пытаннях парадку дня.
Учора адбылася працэдура прызнання паўнамоцтваў дэпутатаў Парламенцкага сходу, дэлегаваных Нацыянальным сходам Беларусі і Федэральным сходам Расіі пасля парламенцкіх выбараў у абедзвюх краінах. Потым адбыліся выбары старшыні Парламенцкага сходу і яго намеснікаў. Уладзімір Андрэйчанка абраны першым намеснікам старшыні Парламенцкага сходу Саюза Беларусі і Расіі. Вячаслаў Валодзін — старшынёй.
Выступаючы перад парламентарыямі, спікер нашай Палаты прадстаўнікоў заявіў, што Беларусь і Расія павінны ўзмацніць узаемадзеянне ва ўсіх сферах. «У адносінах Беларусі і Расіі не ўсё дабратворна, рэгулярна прымаюцца пратэкцыянісцкія рашэнні, якія супярэчаць заканадаўчай базе Саюзнай дзяржавы і Еўразійскага эканамічнага саюза, — заявіў Уладзімір Андрэйчанка. — У ЕАЭС не прымаецца важных рашэнняў, а сам саюз ператвараецца ў палітычны праект».
Надзея ЮШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?