23 студзеня, аўторак

Вы тут

Пагранічнікі папярэдзілі спробу прарыву на беларуска-ўкраінскай мяжы


У ноч на 20 сакавіка ў пункце пропуску «Аляксандраўка» на тэрыторыю Беларусі з Украіны незаконна ўехаў аўтамабіль. Пры гэтым транспартны сродак знёс шлагбаум, праехаў праз сродак прымусовага прыпынку, атрымаўшы механічныя пашкоджанні, і яго кіроўца паспрабаваў прарвацца ўглыб нашай тэрыторыі.


— У мэтах затрымання аўтамабіля супрацоўнікі органаў пагранічнай службы прымянілі табельную зброю, — расказаў афіцыйны прадстаўнік Дзяржаўнага пагранічнага камітэта Беларусі Антон БЫЧКОЎСКІ. — Дзякуючы зладжанай рабоце аператыўнай групы Дзяржпагранкамітэта транспартны сродак быў спынены непадалёк ад пункта пропуску. У выніку затрыманы двое грамадзян, асобы якіх устанаўліваюцца следчымі органамі. У гэтым аўтамабілі мог знаходзіцца яшчэ адзін невядомы, пошукі якога ў цяперашні час вядуцца.

Вядома, што падчас знешняга агляду аўтамабіля быў знойдзены пісталет маркі ТТ і два начыненыя магазіны, а таксама прадмет, знешне падобны да тратылу і электрадэтанатараў. Праводзяцца аператыўна-следчыя мерапрыемствы. Пакуль невядома, адкуль прыбылі парушальнікі.


Тым часам прадстаўнікі Дзяржаўнага пагранкамітэта расказалі і аб іншых інцыдэнтах, выяўленых за апошнія дні на нашай мяжы. Так, у Гомелі на транзітным грузавым самалёце, які ляцеў з Арменіі ў Балгарыю, знойдзены груз з перавышэннем радыяцыйнага фону ў 250 разоў. Гэта была скрынка, на якой мелася абазначэнне іанізуючай крыніцы. Пасля неабходных праверак груз быў прапушчаны цераз дзяржаўную граніцу Беларусі.

А ў Нацыянальным аэрапорце Мінск у ходзе пагранічнага кантролю пасажыраў рэйса Кіеў—Мінск выяўлены грамадзянін Японіі 1969 года нараджэння, які знаходзіцца ў спісе асоб, уезд якіх на тэрыторыю Рэспублікі Беларусь закрыты або непажаданы. У ходзе разбору ўстаноўлена, што ён знаходзіўся на тэрыторыі Украіны і Ірака падчас вядзення баявых дзеянняў, пра што сведчылі адзнакі ў пашпарце замежніка. Акрамя таго, аналіз адкрытых крыніц інфармацыі паказаў, што грамадзянін Японіі затрымліваўся на тэрыторыі Ірака па падазрэнні ў дачыненні да дзейнасці тэрарыстычнай арганізацыі «Ісламская дзяржава» ў кастрычніку 2016 года. У выніку японца ў Беларусь не пусцілі.

У нядзелю ў пункце пропуску «Брэст» беларускія памежнікі выявілі муляж гранаты ў рэйсавым аўтобусе, які рухаўся з Германіі ў Расію. У ім знаходзілася рэчыва ў выглядзе парашку белага колеру. Па словах прадстаўніка Дзяржпагранкамітэта, муляж гранаты знаходзіцца на экспертызе, правяраецца яго прыналежнасць да выбуховых устройстваў, а таксама парашок, які ў ім знаходзіўся.

Вераніка КАНЮТА

kаnуutа@zvіаzdа.bу

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.