Узровень мясцовага самакіравання трэба падымаць, каб праблемы людзей вырашаліся больш эфектыўна. Такую думку выказаў Аляксандр Папкоў, старшыня Пастаяннай камісіі па рэгіянальнай палітыцы і мясцоваму самакіравання Савета Рэспублікі Нацыянальнага сходу Беларусі, на круглым стале "Роля мясцовага самакіравання ў грамадскім і сацыяльна-эканамічным развіцці рэгіёну і краіны ў цэлым", які адбыўся падчас выставы "СМІ ў Беларусі".
"Менавіта дэпутаты фарміруюць бюджэт і зацвярджаюць яго. І даходную, і расходную частку. Таму калі сёння ў чалавека няма магчымасці напіцца вады, нармальна пад’ехаць да дому, вырашыць пытанні бяспекі свайго дзіцяці, хто першым павінен падняць гэтую праблему на дзяржаўным узроўні і вырашыць яе? Вядома, дэпутат. Аб уладзе, аб дзяржаве, аб кіраванні на дзве трэція судзяць па тым, як вырашаюцца пытанні людзей на месцах", - сказаў Аляксандр Папкоў.
Па яго словах, раней, у савецкія часы, многія пытанні на сябе брала дзяржава і вырашала іх. Але цяпер іх накапілася настолькі шмат, што ў канцы канцоў узніклі сацыяльныя праблемы, з якімі трэба разбірацца не адкладаючы. Менавіта таму ўзровень мясцовага самакіравання трэба падняць на такую вышыню, каб яно магло іх без перашкод вырашаць.
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.